Bedwadaçûn
Malperî bo rojeelat, le rojî 2009.8.14 namey mindalêkî kurdî rojeelatî danîştuwî fînland bilawkirdotewe, ke rûberuwî serokî herêmî kurdistan nasraw be kurdistanî başûrî kirotewe.
Katêk nameke, denguseday dayewe, ulemeseleyekî şexsî têperî, ke le rojnamey kurdistan raportî jimare 689 rojî 2009.8.24 bilawbowe. dwatir behewlî kesêk ke le fînland, mafî penaberî heye u karmendî dîwanî serokayetî herême, her çend mang carêk bo pişû dêtewe, namekey geyanduwiyete şexsî m. barzanî. her dwabedawî ewe, paş maweyek deqî welamî m. barzanî le malperî rojnamey kurdistan raport u kenalekanî tirî rageyandinda bilawbuwe.
Aşkiraye em nameye lelayen bawkî minalekewe nûsrawe, ber le bilawbûnewey rawêj beyekdû kesî nzîk kirawe, ewan pêyîan baş buwe bilawnekirêtewe. bapîrey mindaleke melayekî nzîk melamstefa barzanî buwe, begiştî lepartî u binemaley barzanî nzîk bûn, wextî xoy barzaniyekan le şarî şno cêgîr bûn, bew hoyewe core têkeliyek lenêwaniyanda drust buwe, binemaley barzanî ‘adetiyane, wek delên؛ ewey denke coyekî malî mela mstefay xwardibêt, newe destiroyştuwekanî bangiyan deken, lemalî giştî mîllet çend qat ecriyan dadenewe!
Têkstî nameke, leçend xalda kurt dekirêtewe, xanewadeke mindalekeyan bexoşewîstî mela mstefay barzanewe nawnawe, belam deqawdeq na, behsab ew serokî kurdistan buwe, ke wa nebuwe u niye, tenha serokî partekey xoy buwe, bo maweyekî diyarî kiraw raberayetî bzûtinewey çekdarî ledijî rjêmî ‘êraqî ‘erebî kirduwe, u serencamekeyşî lelay hemûan aşkiraye ke be aşbetal u şkstî gewre kotayî hat! tenanet serokbûnî kurekeyşî behezar frufêl lehelbijardinî exîrda bo mawey çwar salî tir buwe serokî herêmî kurdistan!
Dewru karîgerî kenalekanî rageyandin betaybetî bîstiraw u bînraw, leser tarawge nşînekan, ke leherdû cejneke bûn, betaybetî kurdanî rojeelat u bakuru u rojawa, wek başûr nîn, btwanin be azadî u dûr le çawî sansor bigerênewe bo xanew laney xoyan, xo bestineweyan bew ruwe mîkiyac kirawey ke dezga rageyandinekanî deselatî herêm pîşanî derewey deden!
Boye ew mindale bebiyanuwî nebûnî kenalêkî kurdî taybet be xoyanewe ta baştir lêwey kurdî fêrbêt, daway kirdinewey kenalêkî kirduwe. m . barzanîş dezanêt kuwey dêşêt boye le welamî namekeyda xoy lekirdinewey kenaleke deparêzêt u banghêştî xanewadekey dekat bo serdan bo lay xoy. esl u puxtey nameke zerkeft kirawe bew dû xale amajebokirawe, lepênaw bedesthênanî destkewtî maddîda ziyatir hîç niye!
Ew xanewade berêze, debuwaye eweyan leberçaw bigirtaye ke duway helbijardinekan, terazuwî hêzekan gorankarî giringî beserdahatuwe, dawayekeyan berewruwî perleman u hikumetî herêm bikiradayetewe, çûnke ewe erkî u deselatî ew niye biriyar leser kirdinewe u nekirdinewey kenalî telefîzîonî taybet beminalan bidat! serencam ew dawaye, wek bînîman M . Barzanî bo destkewtî hîzbî u şexsî xoy bekarî hênaw, lerageyandine fermî u nafermiyekanî partîda urujênra!
Kurdî beaga u huşiyarî ewrûpa nşîn, ciyawaziyekeyan lewedaye, dîdiyan çeq leser behêzkirdinî hîzb u kesayetiyekan nabestêt ke bedaxewe bûnete barêkî qurs u ‘eqebmanendenî beser komelgawe! becorêkî tir dîdgay drust eweye, ta bikirêt destiyan kurt u kal bikirêtewe, bêguman ew kat hengawêk berew pêş deçîn u leberçawî nawxo u derewe cwantir u geşawetir debîn!
Nabêt ewe leyad bikirêt, çend parçeyî kurdistan, rewşêkî mêjû kirde u ledeselatî kurd xoyda nebuwe, betêperbûnî kat her parçeye bzûtinewey narezayetî xoyan lekat u şuwênî diyarîkirawda berêxstuwe, her yek lewaneş raberayetî xoyan xulqanduwe, lelay xelkî flan parçe î’tbarî taybetî ziyadiyan bo drust buwe.
Boye zor asayiye, hêndey apo lelay bakûriyekan xoşewîste, nîu hênde pêşewa qazî u şêx mehmud u dktor qasmlo umela mstefa leberçaw u xoşewîst nîn! diyare başûriyekan u rojeelatiyekanîş beheman şêwe ewanî xoyaniyan laxoşewîst tire, eme bew manaye nayet rqiyan lewanî ewan bêtewe, bepêçewanewe hemû îlhamiyan leyektir wergirtuwe u hawkarî yektiriyan kirduwe, beçawî rêzewe têyîan derwanin, belam her parçeye le taybetmendî xoy behremende.
Îtir cêyî sersûrmane em binemale fre berêze, uwêray ewey minalekeyan kirduwe be sûper u qelxan! lew qaydeye layandawe u betenha mes’ud barzanî be serokî kurdistan dezanin! piştiyan kirdote raberanî xoyan! herweha beşêkî zorî xelkî narazî herêm, wek bînra serkirde u hîzbekaniyan le helbijardinekanda dengiyanpênedan u szayandan, destiyan kurtkirdinewe.
Belê nazanin ewane serçawey gendelî u dagîrkirdinî serwet u samanî giştî mîlletin! belê nazanin rojane çend daxuzûxaw deken begewrî xelkda, wilatekeyan bo xoyan u destewdayreyan qurx kirduwe u….zorî tir. axir bo her kesêk karêkî giran niye, layenî kem mtabe’ey rojname ehlî u serbexokanî torî nêt bikat, ew kat boy derdekewêt ew herême şamî şerîf niye.
———–
Birwane têkstî namey mindaleke.
Heman name lemalperî rojnamey kurdistan raport.
Hewalî welamdanewey m . barzanî le malperî rojnamey kurdistan raport.
Birwane têkstî namekey m.barzanî, le malperî bo rojeelat .
- : Heman têkst be pîtî Kurdî : دەنکە جۆیەکی ماڵی پاشا بخۆ، خەڵات وەربگرە
