|
دووشەممە ٢٠١١.١٠.٣١
کچە کوردێک لە بەرنامەی تالێنتی سوۆمی دا
بەرنامەی تالێنت سوۆمی ٢٠١١ یان بەکوردی من جیاوازم، هەموو ئەو بەهرانە جۆراوجۆرانە کۆدەکاتەوە و بە کۆمەڵگایان دەناسێنێت. خولی ئەمجارەی بەرنامەکە گەنجێکی کوردی تێدابوو بەناوی هۆزان عومەرەوە، یەکدوو قۆناغ باش سەرکەوت. بەڵام شکستی هێناو و کرایە دەرەوە.
ئەم گرووپی سەمایە/ دانسەی بە ناوی زە ڤۆگەس (The Voguers)ە، لە پێنج کیژۆڵە پێک هاتووە تا ئێستا سەرکەوتوو بوون، بڕیارە لە بەرنامەی ڕۆژی شەممە ٢٠١١.١١.٥ نمایشێک پێشکەش بکەن. لەناویاندا کچێکی کورد بە ئەسڵ خەڵکی هەرێمی کوردستان بەناوی ڕۆزا ئەحمەدەوە هەیە.
لاپەڕەی فەیسبووکی گرووپی سانس
|
|
Kçe Kurdêk le bernamey Talent Suomi da
Bernamey Talent Suomi 2011 yan be Kurdî Min Cyawazm, hemû ew behrane corawcorane kodekatewe û be komellgayan denasênêt. Xulî emcarey bernameke gencêkî Kurdî têdabû benawî Hozan Omerewe, yekdû qonax baş serkewt. Bellam şkistî hênaw û kraye derewe.
Em grûpî semaye/ dansey be nawî (The Voguers)e, le pênc kîjolle pêk hatuwe ta êsta serkewtû bûn, birryare le bernamey rojî şemme 2011.11.5 nmayşêk pêşkeş bken. Lenawyanda kçêkî Kurd be esll xellkî HerêmîKurdistan benawî Roza Ahmedewe heye.
|
|
یەکشەممە ٢٠١١.١٠.٣٠
فینلاند لە ڕاگەیاندنی هەرێمی کوردستاندا
ڕۆژی هەینی ٢٠١١.١٠.٢٨ کۆنفرانسێک لەسەر دۆخی عێراق و هەرێم و کێشەی پەنابەری سازکرا. وردەکاری زیاتر لەو لینکەدا دەبینن
سەرچاوە: ماڵپەڕی سبەی
|
|
Fînland le rageyandinî herêmî kurdistanda
Rojî heynî 2011.10.28 konifransêk leser doxî Êraq û Herêm û kêşey penaberî sazkra. Wirdekarî zyatir lew lînkeda debînin
|
|
یەکشەممە ٢٠١١.١٠.٣٠
نیو لۆتۆ لە شاری لاهتی دەرچوو
یانسیبی لۆتۆ، دوێنێ شەممە ٢٩ ی ١٠ نیوەی بۆ کەسێک دەرچووە لە شاری لاهتی، بە بڕی ٤ ملیۆن ٥٠٠ هەزار ئێرۆ. ئەو کڕیارە لە مارکێتی (Holman Prisma) بیتاقەکەی کڕیوە. بەشی دووهەم و نیوەکەی تری لۆتۆکە بەر شاری تامپێرێ کەوتووە. خەڵات یان یانسیبی لۆتۆ تا ئێستا ١٠ کەرەت دەرچووە و یەکدوویەکیان خەڵکی لاهتی بوون.
سەرچاوەی هەواڵ ماڵپەڕی ڕۆژنامەی ئێتێلا سوۆمێن سانۆمات
|
|
Yansîbî Loto, dwênê şemme 29 î 10 nîwey bo kesêk derçuwe le şarî Lahtî, be brrî 4 milyon 500 hezar êro. Ew kirryare le markêtî (Holman Prisma) bîtaqekey krrîwe. Beşî dûhem û nîwekey trî Lotoke ber şarî Tampêrê kewtuwe. Xellat yan yansîbî Loto ta êsta 10 keret derçuwe û yekdûyekyan xellkî Lahtî bûn.
|
|
یەکشەممە ٢٠١١.١٠.٣٠
کۆمەکی مرۆڤدۆستانە بۆ لێقەوماوانی شاری وانی کوردستانی باکوور
بەسوپاسەوە لەسەر بناغەی هەواڵێکی ئارۆ بەرزنجی یەوە، ئەم تێکستە چێکراوە، بەڕێزی بەو کارەی زانیبوو.
خاچی سووری نێودەوڵەتی و مانگی سووری تورکیا پێکەوە، ڕۆژی ٢٦ی مانگ لە ڕێگای بانگەوازێکەوە داوای هاوکار و کۆمەکیان لە دنیا کردووە تا دەستی هاوکاری درێژ بکەن بۆ لێقەوماوانی بوومەلەرزەی شاری وان.
وەزارەتی دەرەوەی فینلاندیش لە ڕێگەی خاچی سوورەوە بەدەنگ ئەو بانگەوازەوە دەچێت، بڕیاریانداوە کۆمەکێک بە بڕی ٥٠٠ هەزار ئێروی بنێرن. شایەنی وەبرهێنانەوەیە، ٢٣ی ئەم مانگە بوومەلەرزەیەکی بەهێز دای لەو شارەی کوردستانی باکوور، بووە هۆی وێرانی زیاتر لە ٢ هەزار ٢٠٠ خانوبەرە و هەزارەها تەلەفاتێکی گیانی.
سەرچاوەی هەواڵ ماڵپەڕی فەرمی وەزارەتی دەرەوە
|
|
Komekî mrovdostane bo lêqewmawanî şarî Wanî KurdistanîBakûr
Be supasewe leser bnaxey hewallêkî Aro Berzincî yewe, em têkiste çêkrawe, berrêzî bew karey zanîbû.
Xaçî sûrî nêwdewlletî û Mangî sûrî Turkya pêkewe, rojî 26î mang le rêgay bangewazêkewe daway hawkar û komekyan le dinya kirduwe ta destî hawkarî drêj bken bo lêqewmawanî bûmelerzey şarî Wan.
Wezaretî derewey Fînlandîş le rêgey xaçî sûrewe bedeng ew bangewazewe deçêt, birryaryandawe komekêk be brrî 500 hezar êruy bnêrn. Şayenî webrihênaneweye, 23î em mange bûmelerzeyekî behêz day lew şarey KurdistanîBakûr, buwe hoy wêranî zyatir le 2 hezar 200 xanubere û hezareha telefatêkî gyanî.
|
|
یەکشەممە ٢٠١١.١٠.٣٠
خراپکاری لە نزیک هێڵی شەمەنەفەر
دوێنێ ئێوارەکەی پۆلیس ئاگاداردەکرێتەوە کە چوار گەنجی تەمەن ١٣ بۆ ١٥ ساڵی لە ناوچەی هێنالا Hennala ی شاری لاهتی خراپکارییان لە هێڵی شەمەنەفەر ئەنجام داوە و ئاگریان کردۆتەوە، بەو هۆیەوە گەشتی هێڵەکە ڕاگیراوە! دواتر خێزانی کەتنکەران ئاگادارکراونەتەوە. سزای ئەم جۆرە کارانە لایەنی کەم چوار ساڵ زیندانیکرددنە، بەڵام بەهۆی کەمی تەمەنەوە. تەنها قەرەبوونکردنەوەی زیانەکان دەیانگڕێتەوە.
سەرچاوەی هەواڵ ماڵپەڕی ڕۆژنامەی هێلسنکی سانۆمات
|
|
Xrapkarî le nzîk hêllî şemenefer
Dwênê êwarekey polîs agadardekrêtewe ke çwar gencî temen 13 bo 15 sallî le nawçey Hennala î şarî Lahtî xrapkarîyan le hêllî şemenefer encam dawe û agiryan kirdotewe, bew hoyewe geştî hêlleke ragîrawe! Dwatir xêzanî ketinkeran agadarkrawnetewe. Szay em core karane layenî kem çwar sall zîndanîkirdidne, bellam behoy kemî temenewe. Tenha qerebûnkirdnewey zyanekan deyangrrêtewe.
|
|
یەکشەممە ٢٠١١.١٠.٣٠
ئوتێلەکانی شاری لاهتی لە پلەی هەشتەمدان
بەپێی ماڵپەڕی هۆتێل کۆم، لە بواری گەشتوگوزاری ناوخۆیی فینلانددا، هوتێلەکانی لاهتی بەیەکێک لە پڕ خزمەتگوزارینەکان دانراوە. ڕیزبەندییەکە بەم شێوەیە: هێلسنکی، تورکو، تامپێرێ، کوۆپیۆ، یوڤاسکولا، ڤاسا، ڕۆڤانیێمی، لاهتی، میکێلی، لاپێنرانتا.
سەرچاوەی هەواڵ ماڵپەڕی ڕۆژنامەی ئێتێلا سوۆمێن سانۆمات
|
|
Hotêlekanî şarî Lahtî le pley heştemdan
Bepêy mallperrî hotêl kom, le bwarî geştuguzarî nawxoyî Fînlandda, hutêlekanî lahtî beyekêk le pirr xizmetguzarînekan danrawe. Rîzbendîyeke bem şêweye: 1- Helsinki 2- Turku 3- Tampere 4- Kuopio 5- Jyväskylä 6- Vaasa 7- Rovaniemi 8- Lahti 9- Mikkeli 10- Lappeenranta
|
|
یەکشەممە ٢٠١١.١٠.٣٠
کاتی زستانە دەستی پێکرد
شەوی ڕابردوو، کاتی زستانە دەستی پێکردەوە. ئیتر ناگۆڕێت تا دواهەفتەی مانگی شوبات/ مالیسکو(maaliskuu)ی ساڵی داهاتوو. تەلەفوون و کۆمپیوتەرەکان ئۆتۆماتیک دەگۆڕێن بەڵام کاتژمێرە ئانالۆگەکانی دیوار دەبێت بیگۆڕدرێن. لە هەرێمی کوردستان وەک وڵاتانی تری دنیا کاتگۆڕین نییە، یەک کات هەیە! دوای ڕاپەڕین کە دامودەزگای حکومی گۆڕا یەکێک لەو گۆڕانکاریانەی کرا لابردنی ئەو کاتگۆڕینە بوو.
سەرچاوەی هەواڵ ماڵپەڕی ڕۆژنامەی ئێتێلا سوۆمێن سانۆمات
|
|
Katî zistane destî pêkrid
Şewî rabridû, katî zistane destî pêkirdewe. Îtir nagorrêt ta dwaheftey mangî şubat/ malîskuî sallî dahatû. Telefûn û kompîwterekan otomatîk degorrên bellam katjimêre analogekanî dîwar debêt bîgorrdirên. Le HerêmîKurdistan wek wllatanî trî dinya katgorrîn nîye, yek kat heye! Dway raperrîn ke damudezgay hkumî gorra yekêk lew gorrankaryaney kra labirdnî ew katgorrîne bû.
|
|
هەینی ٢٠١١.١٠.٢٨
گران بوونی کرێی خانوو!
لاهدێن تالۆت (Lahden Talo)، کومپانیایەکی نیشتەجێ و خانووبەرەی گەورەیە، لەو کومپانیانەیە کە لەلایەن دەوڵەتەوە کۆمەک دەکرێت بۆیە کرێی خانووەکانی لەچاو خانووی تردا کەمترە. لە بەکرێدانی خانووەکانیدا کەمتر لە مانگێک گرێنتی وەردەگرێت. بەڵام لە هی تایبەت دەبێت گرێنتی ٢ مانگ بدرێت! بڕیارە بۆ ساڵی داهاتوو کرێ بەرز بکاتەوە بە ڕێژەی ٣،٢ یە، بۆ نموونە هاووڵاتییەک لە خانوویەکی ٣ ژووری بە قەبارەی ٧٥ م دووجادا بێت ئێستا ٧٠٦ ئێرۆ ئەدات ئەوا لە ٢٠١٢.١.١ دەبێت بڕی ٧٢٨ ئێرۆ بدات، دیارە ئاویشی لەسەرە. بیانووی بۆ ئەو زیادەیە ئەوەیە کە مەسرەفی خزمەتگوزاری گرانە و لەناچارییەوەیە.
سەرچاوەی هەواڵ ماڵپەڕی ڕۆژنامەی ئێتێلا سوۆمێن سانۆمات
|
|
Lahden Talo, kumpanyayekî nîştecê û xanûberey gewreye, lew kumpanyaneye ke lelayen dewlletewe komek dekrêt boye krêy xanuwekanî leçaw xanûy tirda kemtre. Le bekrêdanî xanuwekanîda kemtir le mangêk grêntî werdegrêt. Bellam le hî taybet debêt grêntî 2 mang bidrêt! Birryare bo sallî dahatû krê berz bkatewe be rêjey 3,2 ye, bo nmûne hawullatîyek le xanûyekî 3 jûrî be qebarey 75 mi dûcada bêt êsta 706 êro edat ewa le 2012.1.1 debêt brrî 728 êro bdat, dyare awîşî lesere. Byanûy bo ew zyadeye eweye ke mesrefî xizmetguzarî grane û lenaçarîyeweye.
|
|
پێنجشەممە ٢٠١١.١٠.٢٧
جۆکێکی تاڵ
کابرایەکی کورد لەوانەی ئایینیان بەقورس گرتووە، لە فینلاند تازە بەتازە قبوڵ بووە، مانگێک پارەیەیان کەم بۆ داناوە، لەلای ژمێریاری سۆسیال تووڕە دەبێت، دەڵێت: منەتی چی مان بەسەردا دەکەن ئەو بڕە پارەیەی دەیدەن پێمان، پارەی نەوتی خۆمانە!
|
|
Cokêkî tall: Kabrayekî Kurd lewaney ayînyan bequrs girtuwe, le Fînland taze betaze qbull buwe, mangêk pareyeyan kem bo danawe, lelay jmêryarî sosyal tûrre debêt, dellêt: Mnetî çî man beserda deken ew brre pareyey deyden pêman, parey newtî xomane!
|
|
چوارشەممە ٢٠١١.١٠.٢٦
گاڵتەکردن بە زمانی فینلاندی!
میس جەی ١٩٥٨، دیزاینەری مۆدەی بەناوبانگی ئەمەریکی، پارساڵ وەک دادوەرێک بانگهێشت کرا بۆ فینلاند. وەک لەم گرتە ڤیدیۆییەدا دەبینن، لەبەرچاوی فینلاندییەکان گاڵتە بە زمانی فینلاندی دەکات، تەنانەت دەگاتە ئەوەی دەڵی زمانێکی ناسک و ڕۆمانتیکا نییە.
تکایە بڕوانە ماڵپەڕی یوتوب
|
|
Miss Jay 1958, dîzaynerî modey benawbangî Amerîkî, parsall wek dadwerêk bangihêşt kra bo Fînland. Wek lem girte vîdyoyyeda debînin, le berçawî Fînlandîyekan gallte be zmanî Fînlandî dekat, tenanet degate ewey dellî zmanêkî nask û romantîka nîye.
|
|
چوارشەممە ٢٠١١.١٠.٢٦
تایمی خێرایی ئاژووتنی ئۆتۆمبێلی وەرزی هاوین کۆتایی هات
لە جادە (ئۆتۆبان)ەکاندا، خێرایی ئۆتۆتمبێل بەپێی وەرزەکانی ساڵ دەگۆڕێت. هاوینان کە لە لاهتییەوە دەچێتە هێلسنکی لە تابلۆی ترافیکەکان نووسراوە ١٢٠کم خێراییە. بەڵام زستانان ٢٠ کم دادەبەزێت دەبێتە ١٠٠ ئەم هەفتەیە لە پێنجشەممە(٢٠١١.١٠.٢٧)وە تابلۆی ترافیکانی ئەو هێڵانە دەگۆڕێت و دەبێتەوە ١٠٠کم خێرایی.
سەرچاوەی هەواڵ ماڵپەڕی ڕۆژنامەی ئێتێلا سوۆمێن سانۆمات
|
|
Taymî xêrayî ajûtnî otombêlî werzî hawîn kotayî hat
Le cade (otoban)ekanda, xêrayî ototmibêl bepêy werzekanî sall degorrêt. Hawînan ke le Lahtîyewe deçête Hêlsinkî le tabloy trafîkekan nûsrawe 120 km xêrayye. Bellam zistanan 20 km dadebezêt debête 100 em hefteye le pêncişemme(2011.10.27)we tabloy trafîkanî ew hêllane degorrêt û debêtewe 100 km xêrayî.
|
|
چوارشەممە ٢٠١١.١٠.٢٦
یاسا و ڕێساکانی پەیوەند بە وەرگرتنی پەناهەندە تووند دەکرێنەوە!!
پرسیار ئەوەیە بۆ خەڵکی بێگانە بەتایبەتی کوردەکانی باشوور زۆر ڕوو دەکەنە فینلاند؟ لەبەر ئەوەی لەچاو وڵاتانی تردا نەرمترە. بەڵام ئەم نەرمییە بە قسەی وەزیری ناوخۆ پایڤی ڕاسانێن ١٩٥٩ (Päivi Räsänen) بێت، نامێنێت. پێشنیاری ئەوەیان خستۆتە ڕوو، کۆکردنەوەی ئەندامانی خێزان و هێنانیان بۆ فینلاند، بۆ نموونە پیاو بەمەرجێک دەتوانێ ژنەکەی بهێنێت کە هەموو مەسرەفێکی لەسەر خۆی بێت بتوانێ بیژیەنێت. گوایە ئەمەیش لە ترسی ئەوەیە کە کێشەی جۆراجۆری کۆمەڵایەتی کەم بکەنەوە!!!
سەرچاوەی هەواڵ ماڵپەڕی ڕۆژنامەی هێلسنکی سانۆمات
|
|
Yasa û rêsakanî peywend be wergirtnî penahende tûnid dekrênewe!!
Pirsyar eweye bo xellkî bêgane betaybetî Kurdekanî başûr zor rû dekene Fînland? Leber ewey leçaw wllatanî tirda nerimtre. Bellam em nermîye be qsey wezîrî nawxo (Päivi Räsänen 1959) bêt, namênêt. Pêşnyarî eweyan xistote rû, kokirdnewey endamanî xêzan û hênanyan bo Ffînland, bo nmûne pyaw bemercêk detwanê jnekey bhênêt ke hemû mesrefêkî leser xoy bêt bitwanê bîjyenêt. Gwaye emeyş le tirsî eweye ke kêşey coracorî komellayetî kem bkenewe!!!
|
|
سێشەممە ٢٠١١.١٠.٢٥
گۆرانییەکی فینلاندی
ئاهـ کە خۆشەویستی ڕاستەقینە، دەمێنێتەوە، ناونیشانی گۆرانییەکی هاری کوۆکانێن (Harri Kuokkanen)ە، وەک ئەو دێڕە کوردییە گوێ بیستی دەبیت بەڵام ناونیشانی خۆی ئەمەیە (Tosi Rakkaus Jää). ئەم گۆرانیبێژە و کلیپەکەی وەک کلیپی گۆرانی بێژە کوردەکان وایە لە دەشت و دەر و دارستانەکان وێنەی گیراوە. بەڵام سیناریستەکە کۆتاییەکی باشی پێدوە، گۆرانیبێژە لە داخی کچ داویەتە کێوان، سەرئەنجام دەزگیران پێی دەزانێت دوای کوڕەکە دەکەوێت.
|
|
Ah ke xoşewîstî rasteqîne, demênêtewe, nawnîşanî goranîyekî (Harri Kuokkanen)e, wek ew dêrre kurdîye gwê bîstî debît bellam nawnîşanî xoy emeye (Tosi Rakkaus Jää). Em goranîbêje û klîpekey wek klîpî goranî bêje kurdekan waye le deşt û der û daristanekan wêney gîrawe. Bellam sînarîsteke kotayyekî başî pêdwe, goranîbêje le daxî kiç dawyete kêwan, serencam dezgîran pêy dezanêt dway kurreke dekewêt.
|
|
دووشەممە ٢٠١١.١٠.٢٤
مانگرتنی چوار ڕۆژەی کرێکارانی فینلاند سەرکەوتووانە کۆتایی پێهات
لە دیواری سۆران زەکییەوە وەرگیراوە
ئێوارەی دووشەممە ٢٤ ی ١٠ مانگرتنی چوار ڕۆژەی کرێکارانی یەکیەتی مێتاڵ و یەکیەتی کرێکاران و کارمەندانی “پڕۆ” سەرکەتووانە کۆتایی پێهات. ڕیکو ئالتۆ ١٩٦٥ (Riku Aalto) سەرۆکی یەکێتی مێتاڵ دەسکەوتەکانی ئەم مانگرتنەی بەرز نرخاند و ڕایگەیاند کە گرێبەستێکی گشتیی دوو ساڵە واژۆ کراوە، تا ڕۆژی چوارشەممە هەموو کرێکارانی مانگرتوو دەگەڕێنەوە سەر کار.
سەرچاوەی هەواڵ ماڵپەڕی سەندیکای مێتاڵ
|
|
Mangirtnî çwar rojey krêkaranî Fînland serkewtuwane kotayî pêhat
Le dîwarî Soran Zekîyewe wergîrawe
Êwarey dûşemme 24 î 10 mangirtnî çwar rojey krêkaranî Yekyetî Mêtall û Yekyetî krêkaran û karmendanî “Prro” serketuwane kotayî pêhat. (Riku Aalto)1965 serokî Yekêtî Mêtall deskewtekanî em mangirtney berz nirxand û raygeyand ke grêbestêkî giştîy dû salle wajo krawe, ta rojî çwarşemme hemû krêkaranî mangirtû degerrênewe ser kar.
|
|
دووشەممە ٢٠١١.١٠.٢٤
شازییەکانی سروشت!
پایزان لەلا ڕێگا گەورە و بچووکەکانی شار و چواردەوری لاهتی، قارچکی قەبارە جۆراجۆر لە خاکەوە سەردەردەهێنن، جوان و رەنگ دێز و ناشیرینیان تیا دەبینرێت. ئەوانە هیچی هی خواردن نیین. لە کوردستانی باشوور قارچ هەر لەم وەرزەدا سەردەردەهێنن، زۆر جار هەورەگرمە لەو پرۆسەیەدا دەور دەبینن. قارچکیش وەک زۆر شتی تر ناوی زۆریان هەیە.
سروشت زۆر جار کاری شازی لێدەوەشێتەوە، وەک لەم وێنەیەدا دەبینرێت، قارچکێکی زۆر گەورە لە باخچەی دەرەوەی ماڵێک لە گەرەکی یاڵکارانتا (Jalkaranta) سەری دەرهێناوە. ئەوە بۆ سێهەم ساڵە لە هەمان ماڵ قارچی قەبارە گەورەی وا دەردەکەوێت.
سەرچاوەی هەواڵ ماڵپەڕی ڕۆژنامەی ئێتێلا سوۆمێن سانۆمات
|
|
Payzan lela rêga gewre û bçûkekanî şar û çwardewrî Lahtî, qarçikî qebare coracor le xakewe serderdehênin, cwan û reng dêz û naşîrînyan tya debînrêt. Ewane hîçî hî xwardin nîyn. Le KurdistanîBaşûr qarç her lem werzeda serderdehênin, zor car hewregirme lew proseyeda dewr debînin. Qarçikîş wek zor ştî tir nawî zoryan heye.
Sruşt zor car karî şazî lêdeweşêtewe, wek lem wêneyeda debînrêt, qarçikêkî zor gewre le baxçey derewey mallêk le gerekî (Jalkaranta) serî derhênawe. Ewe bo sêhem salle le heman mall qarçî qebare gewrey wa derdekewêt.
|
|
دووشەممە ٢٠١١.١٠.٢٤
شکستی گەنجێکی کورد لە بەرنامەی تالێنت!!
دوێنێ شەممە ٢٢ی مانگ، بەشێکی تری بەرنامەی من جیاوازم بە فینلاندی (talent) لە کەناڵی چوارەوە پێشکەش کرا. یەکیک لەبەشداربووان گەنجێکی دانسزان بەناوی هۆزان عومەرەوە بوو، لە دوو قۆناغ سەرکەوت بەڵام لە سێهەمدا شکستی هێنا و بە دانسەکەیدا دیار بوو، باش خۆی ئامادەنەکردووە. هەرچەند دادوەرەکان قسەی باشیان کرد لەبارەیەوە. ئەو لە لاپەرەی خۆیدا سوپاسی هەموو ئەوانەی کردووە کە بە شێوەی جۆراوجۆر هاوکاری و پشتیوانیان لێکردووە.
سەرچاوەی هەواڵ ماڵپەڕی کەناڵی چوار
|
|
Dwênê şemme 22î mang, beşêkî trî bernamey min cyawazm be fînlandî (Talent) le kenallî çwarewe pêşkeş kra. Yekîk lebeşdarbuwan gencêkî daniszan benawî Hozan Omarewe bû, le dû qonax serkewt bellam le sêhemda şkistî hêna û be dansekeyda dyar bû, baş xoy amadenekirduwe. Herçend dadwerekan qsey başyan kird lebareyewe. Ew le laperey xoyda supasî hemû ewaney kirduwe ke be şêwey corawcor hawkarî û piştîwanyan lêkirduwe.
|
|
یەکشەممە ٢٠١١.١٠.٢٣
پەرلەمانتارێکی فینلاندی جەنجالئامێز!!!
تێوڤۆ هاکاراینێن ١٩٦٠ (Teuvo Hakkarainen) ئەندام پەرلەمانی پارتی فینلاندییە ڕەسەنەکان. هەر کە سەرکەوتنی لە هەڵبژاردنەکانی ساڵی ٢٠١١ بەدەستهێنا بەهۆی چاوپێکەوتنێکییەوە بووە جێی سەرنجی خەڵک و ڕاگەیاندنەکان. لەسەر ئەوە شاکاتی لێکرا، بەڵام وەک لە نوێترین چاوپێکەوتنیدا دیارە عاری نەناوە و دڕێژە بەو ڕێچکەیەی داوە بەتایبەتی لەبەرانبەر بێگانەکانی وڵاتدا. ئەو تەرحی ئەوەی کردووە کە کۆمەڵگایەکی نموونەیی دروست بکرێت، بۆ ئەو مەبەستە دورگەی ئەهڤێنما (Ahvenanmaa)ی دیاریکردووە، تا سۆماڵییەکان بە ئارەزووی خۆیان لە منارەکانەوە بقیژێنن(مەبەستی بانگدانە) و هاورەگەزبازان لەوێ بژین.
باگراوەندی ئەم کابرا تووندڕەوە: ئەو بەر لەوەی ببێتە پەرلەمانتار لە دارستان کاری داربڕینەوە کردووە. بێ پرس و نایاسایانە داری بریوەتەوە بردوویەتی بۆ خۆی، دادگایی کراوە و حوکمیان داوە! بەسەرخۆشی ئۆتۆمبێلی ئاژووتووە! ئەم کەسە هەرگیز پەرلەمانی نەدیوە بۆیە هەموو شتێکی بەلاوە نوێ و عاجباتییە، کاتێک بۆ یەکەمجار دەچێتە ناو بینایەی پارلەمانەوە لە شاری هێلسنکی.
سەرچاوەی هەواڵ ماڵپەڕی ڕۆژنامەی ئێتێلا سوۆمێن سانۆمات
|
|
Teuvo Hakkarainen 1960 endam perlemanî partî FînlandîyeResenekan. Her ke serkewtinî le hellbjardnekanî sallî 2011 bedestihêna behoy çawpêkewtinêkîyewe buwe cêy sernicî xellk û rageyandnekan. Leser ewe şakatî lêkra, bellam wek le nwêtrîn çawpêkewtinîda dyare ‘arî nenawe û drrêje bew rêçkeyey dawe betaybetî leberanber bêganekanî wllatda. Ew terhî ewey kirduwe ke komellgayekî nmûneyî drust bikrêt, bo ew mebeste durgey (Ahvenanmaa)î dyarîkirduwe, ta Somallîyekan be arezûy xoyan le mnarekanewe bqîjênin(mebestî bangdane) û hawregezbazan lewê bjîn.
Bagrawendî em kabra tûndirrewe: Ew ber lewey bbête perlemantar le daristan karî darbrrînewe kirduwe. Bê pris û nayasayane darî brîwetewe birdûyetî bo xoy, dadgayî krawe û hukimyan dawe! Beserxoşî otombêlî ajûtuwe! Em kese hergîz perlemanî nedîwe boye hemû ştêkî belawe nwê û ‘acbatîye, katêk bo yekemcar deçête naw bînayey parlemanewe le şarî Hêlsinkî.
|
|
یەکشەممە ٢٠١١.١٠.٢٣
مانگرتنی٠ ٣٢٠٠ کرێکاری بەشی مێتاڵ و تەکنۆلۆژی فینلاند دەستیپێکرد
ئەم هەواڵە لە دیواری بەڕێز سۆران زەکییەوە وەرگیراوە
دوای بەئاکام نەگەیشتنی گفتوگۆی گرێبەستی گشتیی لە نێوان یەکیەتی خاوەنکاران و یەکیەتی کرێکارانی میتاڵ کە بە بەشداریی ڕاوێژکاری تایبەتیی دەوڵەت بەڕێوەچوو، یەکیەتی کرێکارانی مێتاڵ و یەکیەتی کرێکاران و کارمەندانی “پڕۆ” مانگرتنێکی هاوبەشیان ڕاگەیاند، کە ٤٤ کۆمپانی بەشی مێتاڵ و تەکنۆلۆژی ئەم وڵاتە دەگرێتەوە. مانگرتنەکە کاتژمێر ٦ ی سەر لەبەیانی ٢١ی نۆڤهمبهر دەستی پێکرد. هۆکاری سەرەکی ئەم مانگرتنە دەگەرێتەوە بۆ ئەوەی کە:
ـ یەکیەتی خاوەنکاران ئامادە نییە ئاستی موچەی کرێکاران بە ڕێژەیەکی گونجاو زیاد بکات.
ـ یەکیەتی خاوەنکاران هەوڵ دەدات ئاسانکاریی زیاتر بکات بۆ لەسەرکار دەرکردنی کرێکاران.
ـ یەکیەتی خاوەنکاران ئامادە نییە داخوازی سێ ڕۆژ خوێندن لە کاتی کاردا بۆ کرێکاران بسەلمێنێت، ئەگەر چی نوێنەری دەوڵەت بەڵێنی ئەوەشی داوە کە لە بری دابینکردنی مافی سێ ڕۆژ خوێندن، ڕێژەی باجی خاوەنکاران کەمکاتەوە.
ـ یەکیەتی خاوەنکاران هەوڵی ئەوەیە کە گرێبەستی گشتیی نەمێنێ و ئەم گرێبەستە لە ئاستی ناوچەیی و تەنانەت لە ئاستی کرێکار و خاوەنکاردا جێبەجێ بکرێت.
دوانیوەڕۆی ئەمڕۆ یەکیەتیە کرێکارییە کان ڕایانگەیاند کە ئەگەر بە داخوازیەکانیان نەگەن، لە ٧ی نۆڤهمبهرەوە قۆناغی دووەمی مانگرتنەکە دەستپێدەکات و کرێکارانی ٤٤ کۆمپانی تریش بە مانگرتووانەوە پەیوەست دەبن.
شایانی باسە کە ئەمڕۆ یەکیەتی کرێکاران و کارمەندانی بەشی تایبەتی “ئێرتۆ” ش پشتگیریی خۆی لەم مانگرتنە دەربڕی و ڕایگەیاند کە هیچ ئەندامێکی ئەو یەکیەتیە کە کاری بەکرێ دەکات، ناتووانێت وەک کرێگرتەی سەردەمی مانگرتن لەو کۆمپانیانە کاربکات کە کرێکارانی لە حاڵی مانگرتندان.
سەرچاوەی هەواڵ ماڵپەڕی سەندیکای مێتاڵ
|
|
Mangirtnî0 3200 krêkarî beşî mêtall û teknolojî Fînlend destîpêkrid
Em hewalle le dîwarî berrêz Soran Zekîyewe wergîrawe
Dway beakam negeyiştnî giftugoy grêbestî giştîy le nêwan yekyetî xawenkaran û yekyetî krêkaranî mîtall ke be beşdarîy rawêjkarî taybetîy dewllet berrêweçû, yekyetî krêkaranî mêtall û yekyetî krêkaran û karmendanî “prro” mangirtnêkî hawbeşyan rageyand, ke 44 kompanî beşî mêtall û teknolojî em wllate degrêtewe. Mangirtneke katjimêr 6 î ser lebeyanî 21î november destî pêkrid. Hokarî serekî em mangirtne degerêtewe bo ewey ke:
yekyetî xawenkaran amade nîye astî muçey krêkaran be rêjeyekî guncaw zyad bkat.
yekyetî xawenkaran hewll dedat asankarîy zyatir bkat bo leserkar derkirdnî krêkaran.
yekyetî xawenkaran amade nîye daxwazî sê roj xwêndin le katî karda bo krêkaran bselmênêt, eger çî nwênerî dewllet bellênî eweşî dawe ke le brî dabînkirdnî mafî sê roj xwêndin, rêjey bacî xawenkaran kemkatewe.
yekyetî xawenkaran hewllî eweye ke grêbestî giştîy nemênê û em grêbeste le astî nawçeyî û tenanet le astî krêkar û xawenkarda cêbecê bikrêt.
Dwanîwerroy emrro yekyetye krêkarîye kan rayangeyand ke eger be daxwazyekanyan negen, le 7î novemberewe qonaxî duwemî mangirtneke destipêdekat û krêkaranî 44 kompanî trîş be mangirtuwanewe peywest debin.
Şayanî base ke emrro yekyetî krêkaran û karmendanî beşî taybetî “êrto” şi piştgîrîy xoy lem mangirtne derbrrî û raygeyand ke hîç endamêkî ew yekyetye ke karî bekrê dekat, natuwanêt wek krêgirtey serdemî mangirtin lew kompanyane karbkat ke krêkaranî le hallî mangirtindan.
|
|
یەکشەممە ٢٠١١.١٠.٢٣
زانیاری لە بارەی شاری لاهتییەوە
وەرزش بۆ هەر یەکێک وەک نانخواردن و خەوتن پێویستە، بەتایبەتی بۆ ئەو کەسانەی تازە هاتوونەتە وڵاتەکەوە، هەم کات دەبات، هەم لەشێکی تەندروست دروست دەبێت. پەناهەندە بەگشتی و بەتایبەتی ئەوانی تازە نیشتەجێکراون لەباری ئابوورییەوە هەژارترین کەسانێکن. شارەوانییەکانی فینلاند بۆ هاووڵاتیان خزمەتگوزاری بێ بەرانبەر پێشکەش دەکەن، هەموو کەس دەتوانێ سوودی لێوەر بگرێت، لەوانە هۆڵەکانی وەرزش کە لەچەند شوێن شار دابەشکراون.
لە بینایەی خوێندنگای لۆتیلان (Lotilan) دانەیەک هەیە، لەدوای ١٦:٠٠ کراوەیە. لە ناو تونێلی موستانکاڵیۆن (Mustankallion) دانەیەکی تر هەیە. ئەوەی مەبەست بێت و باشترینیان لە ناوەندی وەرزشی لەلای بنکەی خۆهەڵدانی بەفرخلیسکێنەکەوەیە. ناونیشان:(Salpausselänkatu 8) لەم هۆڵەدا زیاتر لە ٢٠ ئامێر دانراوە. کاتی چوون بۆ ئەوێ بەم شێوەیەیە: هەینی: ١٧ بۆ ٢٠:٣٠ شەممە: ٨ بۆ ١٥:٣٠ یەکشەممە: ٨ بۆ ١٥:٣٠ پێویستییەکانی کاتی وەرزشتان لەیاد بێت.
|
|
Zanyarî le barey şarî Lahtîyewe
Werziş bo her yekêk wek nanixwardin û xewtin pêwîste, betaybetî bo ew kesaney taze hatûnete wllatekewe, hem kat debat, hem leşêkî tendrust drust debêt. Penahende begşitî û betaybetî ewanî taze nîştecêkrawn lebarî abûrîyewe hejartirîn kesanêkin. Şarewanîyekanî Fînland bo hawullatyan xizmetguzarî bê beranber pêşkeş deken, hemû kes detwanê sûdî lêwer bigrêt, lewane hollekanî werziş ke leçend şwên şar dabeşkrawn.
Le bînayey xwêndingay (Lotilan) daneyek heye, ledway 16:00 kraweye. Le naw tunêlî (Mustankallion) daneyekî tir heye. Ewey mebest bêt û baştirînyan le nawendî werizşî lelay binkey xohelldanî befrixlîskênekeweye. Nawnîşan:(Salpausselänkatu 8) lem holleda zyatir le 20 amêr danrawe. Katî çûn bo ewê bem şêweyeye: heynî: 17 bo 20:30 şemme: 8 bo 15:30 yekşemme: 8 bo 15:30 pêwîstîyekanî katî werziştan leyad bêt.
|
|
شەممە ٢٠١١.١٠.٢٢
خراپ گۆکردنی زمان و وشەی فینلاندی
کوردەکان نابێت دڵیان لە خۆیان دابمێنێت کە ناتوانن وشە و ڕستەکانی زمانی فینلاندی باش و دروست گۆ بکەن، سەیر بکەن و پێبکەنن. ئەوەی ئێستا دەیبینن تیپی یاکیێکۆ (jääkiekko)یان بە ئنگلیزی ئایس هۆکی ئەمەریکییە وەک ڕیکلام کردوویانە بۆ دەستپێکردنی خولێکی یارییکردن کە لە فینلانداوە دەست پێدەکات.
تکایە بڕوانە ریکلامەکە لە ماڵپەڕی یوتوب
|
|
Kurdekan nabêt dillyan le xoyan dabmênêt ke natwanin wşe û ristekanî zmanî Fînlandî baş û drust go bken, seyr bken û pêbkenin. Ewey êsta deybînin tîpî yakyêko (Jääkiekko)yan be niglîzî ays hokî emerîkîye wek rîklam kirdûyane bo destipêkirdnî xulêkî yarîykirdin ke le Fînlandawe dest pêdekat.
|
|
هەینی ٢٠١١.١٠.٢١
کێشەی کورد لە تورکیا برینێکی بەسوێیە!
نووسەری فینلاندی تاپانی لوۆتۆلا (Tapani Luotola) لەم وتارەیدا (دبلۆماسییەت گۆڕا بە شەڕ) کە وەک سەروتار دانراوە، باس لە هەڵگیرساندنی توندوتیژی نێوان کوردەکانی باکوور و حکومەتی تورکیا دەکات.
تورکیا دەیەوێت وەک مافپارێزێک لە مەسەلە و کێشەی فەلەستینیەکان خۆی نیشانبدات، هەروەها وەک داڵدەدەرێکی ئاوارە سووریایەکان دەرکەوێت. هاوکات وەک پشت و پەنا و ناوبژیوانێک لە نێوان ئۆپۆزسیۆن و حکومەتی سووری یاری دەکات. ئەم ڕووکردنە ڕۆژهەڵاتەی تورکیا بەخاتری بێئەمل بوونییەتی لە چوونە ناو یەکێتی ئەورووپایەوە، دەشیەوێت وەک هێزێکی هەرێمایەتی دەربکەوێت. بەڵام کێشەی کورد هەر چەندە لە ماوەی ڕابردوو بەئاشکرا و نهێنی کاتی زۆری بۆ تەرخان کرا و هەوڵی باشی بۆ درا، بۆتە برینێکی بەسوێ و قووڵی بەردەوام بۆی.
سەرچاوەی هەواڵ: کلیکی ئێرە بکە
|
|
Nûserî Fînlandî (Tapani Luotola) lem wtareyda (Diblomasîyet gorra be şerr) ke wek serutar danrawe, bas le hellgîrsandinî tundutîjî nêwan Kurdekanî Bakûr û hkumetî Turkya dekat.
Turkya deyewêt wek mafparêzêk le mesele û kêşey Felestînyekan xoy nîşanbdat, herweha wek dalldederêkî aware Sûryayekan derkewêt. Hawkat wek pişt û pena û nawbijîwanêk le nêwan Opozsyon û hkumetî Sûrî yarî dekat. Em rûkirdne rojhellatey Turkya bexatrî bêemil bûnîyetî le çûne naw yekêtî Awrûpayewe, deşyewêt wek hêzêkî herêmayetî derbkewêt. Bellam kêşey Kurd her çende le mawey rabridû beaşkra û nhênî katî zorî bo terxan kra û hewllî başî bo dra, bote brînêkî beswê û qûllî berdewam boy.
|
پێنجشەممە ٢٠١١.١٠.٢٠
نووسەرێکی دانیشتووی فینلاند بناسن:
جەمال شەریف(١٩٦٤)، بەرەچەڵەک خەڵکی هەرێمی کوردستانە، لە مێژەوە لەم وڵاتە نیشتجێیە. هەر لە سەرەتای هاتنییەوە لە لاهتی نیشتەجێیان کردووە، بەڵام ئەوە یەکدوو ساڵە، ژیان و کاری گواستۆتەوە بۆ شاری تورکو.
ئەو، لەم تێکستەیدا بەسەرهاتی گەنجێکی گوندنشینمان (نەوەی دوای ڕاپەڕینی ١٩٩١) بۆ دەگێڕێتەوە کە ڕێی دەکەوێتە فینلاند بە مەبەستی وەرگتنی مافی پەناهەندەیی. بەڵام دەیگێڕنەوە بۆ هەرێمی کوردستان. ئەو سەرەڕای قبووڵ نەکردنی، خەڵکی فینلاند کاریگەری باشی لەلا بەجێ دەڵێڵێت و هەستی مرۆڤانەی ئەوەندە بەرز و بەهێز دەکات کە واز لە خواردنی گۆشت دەهێنێت، لەبەر ئەوەی ئەوانیش هەقی ژیانیان هەیە، تەنانەت بەو هۆیەوە کارێک (قەسابی لە قەسابخانەدا) رەتدەکاتەوە..
سەرچاوەی هەواڵ: ماڵپەڕی هاوپشتی
|
|
Nûserêkî danîştuwî Fînland binasn:
Cemal şerîf(1964), bereçelek xelkî Herêm Kurdistane, le mêjewe lem wilate nîştcêyîe. Her le seretay hatiniyewe le Lahtî nîştecêyîan kirduwe, belam ewe yekdû sale, jiyan u karî gwastotewe bo şarî Turku.
ew, lem têksteyda beserhatî gencêkî gundinşîniman (newey dway raperînî 1991) bo degêrêtewe ke rêyî dekewête Fînland be mebestî wergtinî mafî penahendeyî. Belam deygêrnewe bo HerêmîKurdistan. ew sereray qbûl nekirdinî, xelkî Fînland karîgerî başî lela becê delêlêt u hestî mirovaney ewende berz u behêz dekat ke waz le xwardinî goşt dehênêt, leber ewey ewanîş heqî jiyaniyan heye, tenanet bew hoyewe karêk (qesabî le qesabixaneda) retdekatewe..
|
|
پێنجشەممە ٢٠١١.١٠.٢٠
ئاژاوە لە داخیلیدا
ئێوارەی ئەمڕۆ پێنجشەممە ٢٠ ی ١٠ لە داخلی خوێندکارانی گەرەکی موکوڵا(Mukkula)، بەهۆی ئەوەی ژمارەیەک خەڵکی سەرخۆش زیانیان بە چەند شوێنێکی بینایەکە گەیاندووە، پۆلیس چووە بەدەنگ کێشەکەوە، چوار پیاو و ژنێکی بێگانەیان گرتوە. ئەو داخلییە زیاتر خوێندکارە بیانییەکانی تیا نیشتەجێیە، کە بۆ خوێندن هاتوونەتە ئەم وڵاتە.
سەرچاوەی هەواڵ: ماڵپەڕی ئێتێلا سوۆمێن سانۆمات
|
|
Êwarey emro pêncşemme 20 î 10 le daxlî xwêndkaranî gerekî (Mukkula), behoy ewey jimareyek xelkî serxoş ziyaniyan be çend şuwênêkî bînayeke geyanduwe, polîs çuwe bedeng kêşekewe, çwar piyau u jnêkî bêganeyan girtwe. Ew daxliye ziyatir xwêndkare biyaniyekanî tiya nîştecêyîe, ke bo xwêndin hatûnete em wilate.
|
|
پێنجشەممە ٢٠١١.١٠.٢٠
کوردی کوردستانی باشوور لەناو ڕاپۆرتە نهێنیانیەکانی پۆلیسی ئاسایشی فینلاد ئاشکرا دەبێت.
جەبار ناوی باوکی بە پیتی هۆ یان ئێچی زمانی ئینگلیزی دیاریکراوە(لەدایکبووی ١٩٥٦) بەهۆی خانمێکی فینلاندییەوە کە هاوسەرگیری لەگەڵدا کردووە دێتە وڵاتەوە، بەڵام لەو جانتا سوورەی کە پێی بووە دەرکەوتووە کە مادەیەکی غەریبی تێدایە، دەگیرێت. لێکۆڵینەوە لەگەڵیدا ٥ مانگ دەخایەنێت.لەو نێوەدا لێکۆلەرەوەکان لەپێناو گەیشتن بە ڕاستی و دروستی قسەکانی جەبار دەچنە یونان، پەیوەندی بە بڵوێزخانەی عێراقییەوە دەکەن، بۆیان دەردەکەوێت ئەم کابرایە لە فەرمانگەیەکدا ئیختلاسی بڕی پارەی کردووە بۆیە لە کوردستان ڕایکردووە، کەچی ئەم وا خۆی پیشان دەدات کە موخالیفی سیاسی ڕژێمی سەدامە! خەریک بووە بینێرنەوە بەڵام لەبەر ئەوەی قابیل بەوە بووە لە سێدارە بردرێت، هێشتوویانەتەوە. سەرئەنجام لەبەر ئەوەی مەوادی مەترسیداری هێناوەتە وڵاتەوە، دادگا حوکمی ٦ مانگ زیندانی بۆ دەبڕێتەوە، کەواتە یەک مانگ لە زیندان بەسەر دەبات و پێنج مانگەکەی لێکۆڵینەوەی بۆ حساب دەکرێت کە دەستبەسەر بووە. دواجار داوای پەناهەندەیی دەکات و قبووڵ دەکرێت و لێرە دەمێنێتەوە.
سەرچاوەی هەواڵ: ماڵپەڕی کەناڵی سێ
|
| Kurdî KurdistanîBaşûr lenaw raporte nhêniyaniyekanî polîsî asayşî Fînlad aşkira debêt.
Cebar nawî bawkî be pîtî ho yan êçî zimanî înglîzî diyarîkirawe(ledaykbuwî 1956) behoy xanimêkî Fînlandiyewe ke hawsergîrî legelda kirduwe dête wilatewe, belam lew canta sûrey ke pêyî buwe derkewtuwe ke madeyekî xerîbî têdaye, degîrêt. Lêkolînewe legelîda 5 mang dexayenêt. Lew nêweda lêkolerewekan lepênaw geyştin be rastî u drustî qsekanî Cebar deçne Yonan, peywendî be biluwêzxaney Êraqiyewe deken, boyan derdekewêt em kabiraye le fermangeyekda îxtlasî birî parey kirduwe boye le Kurdistan raykirduwe, keçî em wa xoy pîşan dedat ke muxalîfî siyasî rjêmî Sedame! Xerîk buwe bînêrnewe belam leber ewey qabîl bewe buwe le sêdare birdrêt, hêştwiyanetewe. Serencam leber ewey mewadî metirsîdarî hênawete wilatewe, dadga hukmî 6 mang zîndanî bo debirêtewe, kewate yek mang le zîndan beser debat u pênc mangekey lêkolînewey bo hsab dekirêt ke destbeser buwe. Dwacar daway penahendeyî dekat u qbûl dekirêt u lêre demênêtewe.
|
|
چوارشەممە ٢٠١١.١٠.١٩
نووسەرێکی دانیشتووی فینلاند بناسن:
جهمال سهیدسادقی(١٩٨١)، زۆر نابێت هاتۆتە فینلاند، لەشاری لاهتی دادەنیشێت، بەڵام وەک ئاکتیڤێکی سیاسی باش هەڵدەسووڕێت، لەم وتارەیدا دەیەوێت پێمان بڵێت بڕوا بەو قەیرانە مەکەن کە ماوەیەکە بەناوی داگرتنی ئاڵاوە لە گۆرەپانی سیاسی هەرێم کوردستان دروست بوو، ئەو پێی وایە خەڵک بەوە ناخەڵەتێت چوونکە:.. خوێنی شادی چوەتە هۆش و رامانی تاکی ناڕازی کۆمەڵگاوە هەر رۆژ چاوی لە روخانی دیکتاتۆرێکی ناوچەکەیە(تونس، میسر، لیبیا، سووریا، یەمەن) .. بەو هۆیەوە بەتەمای گەڕانەوەی کەرامەتی تێکشکاوی مرۆڤانەی خۆیانن.
سەرچاوەی هەواڵ: ماڵپەڕی پێنووسەکان
|
|
Nûserêkî danîştuwî Fînland binasn:
Cemal Seydisadqî(1981), zor nabêt hatote Fînland, leşarî Lahtî dadenîşêt, belam wek aktîvêkî siyasî baş heldesûrêt, lem wtareyda deyewêt pêman bilêt birwa bew qeyrane meken ke maweyeke benawî dagirtinî alawe le gorepanî siyasî HerêmKurdistan drust bû, ew pêyî waye xelk bewe naxeletêt çûnke:.. Xwênî şadî çwete hoş u ramanî takî narazî komelgawe her roj çawî le ruxanî dîktatorêkî nawçekeye(Tuns, Mîsr, Lîbiya, Sûriya, Yemen) .. bew hoyewe betemay geranewey kerametî têkişkawî mirovaney xoyanin..
|
|
چوارشەممە ٢٠١١.١٠.١٩
فینلاند چەک دەفرۆشێت بە دکتاتۆرەکان
ڕێکخراوی ئەمنستی ئەنتەرناسیۆناڵ، ئاشکرای دەکات فینلاندیش بەوێنەی دەوڵەتە گەورەکانی دنیای وەک ڕووس و ئەمەریکا و ئەورووپا، چەک و تەقەمەنیان بە دەوڵەتە سەکوتگەرەکانی ڕۆژهەڵاتی ناوەڕاست و باکووری ئەفەریقا ( میسر لیبیان سووریا یەمەن و بەحرەین) فرۆشتووە، پێش هەڵگیرسانی ڕاپەڕینەکانی ئەو ناوچانە و دواتریش و درێژەی هەیە!!!
سەرچاوەی هەواڵ: ماڵپەڕی تورکو
|
|
Rêkxirawî Amnesty enternasîonal, aşkiray dekat Fînlandîş bewêney dewlete gewrekanî diniyaî wek Rûs u Amerîka u Awrûpa, çek u teqemeniyan be dewlete sekutgerekanî rojeelatî nawerast u bakûrî eferîqa ( Mîsr Lîbiyan Sûriya Yemen u Behreyn) froştuwe, pêş helgîrsanî raperînekanî ew nawçane u dwatirîş u drêjey heye!!!
|
|
چوارشەممە ٢٠١١.١٠.١٩
پۆلیسی نهێنی سڕەکانی ئاشکرا دەکات!
بۆچی و چۆن فینلاند لە تیرۆر پارێزراوە و بەدوور بووە؟ سەرەڕای ئەوەی لە باکووری ئەورووپا و دراوسێکانی بەر هەڕەشەی تیرۆر کەوتوون.. ئایا بەتەنها گرووپە خاوەن ئایدۆلۆجییەکانی وەک ئیسلامی ڕادیکال کارەکانیان دەبێت بە تیرۆر بژمێرێت یان هەموو ئەو گرووپانەیشی کە ئەنتی ئیسلامن؟ لەدوای ڕووداوی تیرۆریستی ١١ی سپتەمبەری ئەمەریکاوە چاو لەسەر ئیسلامییەکان خافڵ نەکراوە و بە توندی لەژێر چاودێری بەردەوامدان.
سەرچاوەی هەواڵ: ماڵپەڕی ئولێ
|
|
polîsî nhênî srekanî aşkira dekat!
Boçî u çon Fînland le tîror parêzrawe u bedûr buwe? Sereray ewey le bakûrî Ewrûpa u drawsêkanî ber hereşey tîror kewtûn.. Aya betenha girûpe xawen aydolociyekanî wek Îslamî radîkal karekaniyan debêt be tîror bjmêrêt yan hemû ew girûpaneyşî ke entî Îslamn? Leduway rûdawî tîrorîstî 11î sptemberî Amerîkawe çaw leser Îslamiyekan xafl nekirawe u be tundî lejêr çawdêrî berdewamdan.
|
|
سێشەممە ٢٠١١.١٠.١٨
نووسەرێکی دانیشتووی فینلاند بناسن:
بەڕێز عەزیز شێخانی (٣٧ساڵ)کە بە رەچەڵەک خەڵکی کوردستانی ڕۆژهەڵاتە، لە شاری تامپێرێ دادەنیشێت. لەبارەی نارەزایەتییەکانی ڕۆژی ١٥ ی ١٠ دەنووسێت:
راپهڕین له شهقامی وڵاتانی خاوهن دهسهڵاتی سهرهڕۆ و سهركوتكهر(ڕۆژهەڵاتی ناوەڕاست و باکووری ئەفەریقا)دا بهرههمی وریابونهوهی تاك و دهركهوتنی ئازاره كۆن و ژانه بهردرێژهكانه، خۆپێشاندانهكان به كردهوه به مانای هاتنی سهردهمێكی تازهن، ههرچهنده رهنگه گۆڕینی دهموچاوهكان لهو وڵاتانه ویست و داخوازی خهڵك دابین نهكات.
تێکستی تەواوی بابەتی نووسەر، لە ماڵپەڕی سبەی
|
|
Nûserêkî danîştuwî Fînland binasn:
Berêz Aziz Sheikhani (37sal) ke be reçelek xelkî KurdistanîRojeelate, le şarî Tampêrê dadenîşêt. Lebarey narezayetiyekanî rojî 15 î 10 denûsêt:
Raperîn le şeqamî wilatanî xawen deselatî serero u serkutker(RojeelatîNawerast u BakûrîAferîqa)da berhemî wriyabunewey tak u derkewtinî azare kon u jane berdrêjekane, xopêşandanekan be kirdewe be manay hatinî serdemêkî tazen, herçende renge gorînî demuçawekan lew wilatane uîst u daxwazî xelk dabîn nekat.
|
|
دووشەممە ٢٠١١.١٠.١٧
ناردنەوەی پەنابەر جەنجاڵ دروست دەکات!
کەناڵی تەلەفیزیۆنی شوبهە فەرمی چواری فینلاند، لەم ڕاپۆرتەیدا، ڕووی پێشێلکارییەکی گەورە دەرهەق بەو گەنجە کوردە پەنابەرە رەفزبووەنەدا کراوە، هەڵدەماڵێت. مانگی ئایاری ڕابردوو گرووپێکیان ناردۆتەوە، هەفتەی ڕابردوویش وەجبەیەکی تر.. ناردنەوەکە لە فرۆکەخانەی ڤانتا دەستپێکردووە بۆ شاری ماڵمۆی سووید لەوێشەوە بۆ بەغداد. قسە لەوەیە ڕێکەوتنێکی فەرمی لەنێوان ستۆکهۆڵم و بەغداد و هێلسنکیدا نییە بۆ ناردنەوەی ئەوانە! کەواتە فەرمانگەی کۆچ و پۆلیس لەم کێسەدا تاوانبارن. هەموو دەزانن کە بەغداد شوێنێکی ئامین نییە، بەو هۆیەوە ژیانی ئەو کەسانە دەکەوێتە مەترسییەوە. سەرەڕای ئەوە پەنابەرەکان دەبێت لەسەر حسابی خۆیان بڕۆنەوە بۆ هەرێمی کوردستان، بە قسەی پۆلیس بێت ئامادەکاری گواستنەوەیان لەگەڵ حکومەتی محەلی (کوردستان)دا بۆ کراوە.
سەرچاوەی هەواڵ: ماڵپەڕی کەناڵی چوار
|
|
Kenalî telefîzîonî şubhe fermî çwarî Fînland, lem raporteyda, ruwî pêşêlkariyekî gewre derheq bew gence Kurde penabere refzbuweneda kirawe, heldemalêt. mangî Ayarî rabirdû girûpêkiyan nardotewe, heftey rabirdwîş wecbeyekî tir.. Nardineweke le frokexaney Vanta destpêkirduwe bo şarî Malmoy Swîd lewêşewe bo Bexdad. Gse leweye rêkewtinêkî fermî lenêwan Stokholm u Bexdad u Hêlsnkîda niye bo nardinewey ewane! Kewate fermangey koç u polîs lem kêseda tawanbarn. Hemû dezanin ke Bexdad şwênêkî amîn niye, bew hoyewe jiyanî ew kesane dekewête metirsiyewe. Sereray ewe penaberekan debêt leser hsabî xoyan bironewe bo HerêmîKurdistan, be qsey polîs bêt amadekarî gwastineweyan legel Hikumetî mhelî (Kurdistan)da bo kirawe.
|
|
یەکشەممە ٢٠١١.١٠.١٦
ئاژاوەی لایەنگرانی تۆپیپێ
ئێف سی لاهتی، یانەی پلەیەکی شارەکەیە، دوێنێ لە یاریگای شاری هامێنلینا Hämeenlinnan بەدووری ٧٣،٤ کم لەگەڵ تیپی تۆپیپێی ئەو شارەدا بەیەک دەگەن. سەرئەنجام لاهتی ٣ گۆڵ بەرانبەر یەک گۆڵ دەیبەنەوە. لایەنگرانی لاهتی لە نزیک وێستگەی ڕاوەستانی سەرەکی باسەکانەوە، ئاژاوە دەنێنەوە و پۆلیس دێت بۆیان بەمەبەستی بڵاوە پێکدنیان بەڵام لە کۆنترۆڵ دەردەچێت ناچار چەند کەسیان لێدەگرن.
سەرچاوەی هەواڵ: ماڵپەڕی ڕۆژنامەی ئێتێلا سوۆمێن سانۆمات
|
|
FC Lahden, yaney pleyekî şarekeye, dwênê le yarîgay şarî Hämeenlininan bedûrî 73,4 km legel tîpî topîpêyî ew şareda beyek degen. Serencam Lahtî 3 gol beranber yek gol deybenewe. Layengiranî Lahtî le nzîk wêstgey rawestanî serekî basekanewe, ajawe denênewe u polîs dêt boyan bemebestî bilawe pêkdiniyan belam le kontirol derdeçêt naçar çend kesiyan lêdegirn.
|
|
یەکشەممە ٢٠١١.١٠.١٦
فینلاند لە ڕاگەیاندنی هەرێمی کوردستاندا
بەپێی ئەو ماڵپەڕە بێت، فینلاند بە یەکێک لە پێنج وڵاتە ئارام و هێمنەکەی دنیا ناسراوە… بەڵام باسی نەکردووە چۆن چۆنی؟ لەسەر چ بناغەیەک ئەوە دانراوە.. خوێنەری بەڕێز بەتایبەتی کوردانی دانیشتووی فینلاند ئێوە هاو نەزەرن لەگەڵ ئەو بۆچوونەدا یان چی؟
سەرچاوەی هەواڵ، ماڵپەڕی سبەی
|
|
Fînland le rageyandinî HerêmîKurdistanda
Bepêyî ew malpere bêt, Fînland be yekêk le pênc wilate aram u hêmnekey diniya nasrawe… belam basî nekirduwe çon çonî? leser ç binaxeyek ewe danrawe.. Xuwênerî berêz betaybetî kurdanî danîştuwî Fînland iêwe haw nezern legel ew boçûneda yan çî?
|
|
شەممە ٢٠١١.١٠.١٥
بەرنامەی تالێنت و گەنجی کورد
قۆناغی دووهەمی لە بەرنامەی تالێنت (Talent) بە کوردی (من جیاوازم) ئێوارەی شەممە ٢٠١١.١٠.١٥ بە جیاکردنەوەی گرووبەکان دەستپێکرد، هەر لەسەرەتاوە ژمارەیەک ئیزندران و ژمارەیەکیشیان مانەوە، هۆزان عومەتر تاقە کوردی ناو بەرنامەکە یەکێکە لەوانە. لەناو باشەکاندا و نێوان کێبرکێکەراندا بۆ نموونە دوو کەس لە جادوکردن و دانسکردندا ماونەتەوە، باشترینیان هەڵدەبژێررێت و دیاری دەکرێت. پێش کۆتایی بەرنامەکە ژمارەیەکی تر لەلایەن دادوەرەکانەوە ئیزن دران. دەکرێت بڵیێن قۆناغی لەبێژندان بوو.
سەرچاوەی هەواڵ ماڵپەڕێ کەناڵی چوار
|
|
Qonaxî dweemî le bernamey (Talent) be Kurdî (mn ciyawazm) êwarey şemme 15.10.2011 be ciyakirdinewey girûbekan destpêkird, her leseretawe jimareyek îzndran u jimareyekîşiyan manewe, Hozan Omer taqe Kurdî naw bernameke yekêke lewane. Lenaw başekanda u nêwan kêbirkêkeranda bo nimûne dû kes le cadukirdin u danskirdinda mawnetewe, baştirîniyan heldebjêrrêt u diyarî dekirêt. Pêş kotayî bernameke jimareyekî tir lelayen dadwerekanewe îzn dran. Dekirêt bilîên qonaxî le bêjndan bû.
|
|
شەممە ٢٠١١.١٠.١٥
ئامادەسازی بۆ کۆنگرە
وەک وەزارەتی دەرەوەی فینلاند ئاشکرای کردووە، ئامادەسازی بۆ ساڵی داهاتوو دەستی پیێکردووە، کە بڕیارە کۆنگرەی جیهانی بۆ چەکداماڵین بەتایبەتی ئەتۆمی لە ناوچەی ڕۆژهەڵاتی ناوەڕاست ساز بکرێت.
سەرچاوەی هەواڵ، کلیکی ئێرە بکە
|
|
Wek wezaretî derewey Fînland aşkiray kirduwe, amadesazî bo salî dahatû destî pîêkirduwe, ke biriyare kongirey cîhanî bo çekdamalîn betaybetî etomî le nawçey Rojeelatî Nawerast saz bikirêt.
|
|
شەممە ٢٠١١.١٠.١٥
کوردانی، لە ڕۆژی بەرەنگار بوونەوەی سەرمایە و کومپانیاکان
ڕۆژی شەممە ٢٠١١.١٠.١٥ مەیدانی سەرەکی شاری لاهتی ناسراو بە (Tori) ژمارەیەک چالاکوان و هەڵسووڕاوانی ڕێکخراوەکانی کۆمەڵگای مەدەنی، بۆ ماوەی چەند کاتژمێرێک (١٠:٠٠ بۆ ١٢:٣٠) چادرێکیان هەڵدا لە ژێر ناونیشانی لە تۆری بەیەکدەگەین.
چەند پلارتی تر کە مەبەستی ناڕازیبووانیان زیاتر ڕوون دەکردەوە:
ئەگەر حکومەت تەسلیم بوو بێت بە کومپانیا و بانقەکان، ئێمە چی بکەین و دەتوانینن چی بکەین؟ لەوە زیاتر ناتوانیین چاوەڕوان بکەین تا قەیرانەکان کۆتایی دێت! ئێمە کاڵا نیین بەدەست بانک و سیاسییەکانەوە.. ئایا دیموکراتی تەنها دەنگدانە؟
شایەنی وەبیرهێنانەوەیە، کۆبوونەوەی هاوشێوە وا لە ٨٢ وڵات و زیاتر ٩٥٠ شاری گۆی سەر زەوی لەکاتی جۆراوجۆردا، لە فینلاندیش شاری هێلسنکی، تورکو، تامپێرێ، یوڤاسکۆلا، یۆێنسۆ، ئۆڵو، لاهتی ئەنجام دران.
ژمارەیەک لە کوردانی دانیشتووی هێلسنکی کە زیاتر سەر بە تەوژمی چەپ بوون بەشدارییان کردووە. لە شاری لاهتیدا یەکێک لە هەلسووڕێنەر و بەڕێوەبەرانی چالاکییەکە کوردێکی هەرێمی کوردستان بە ناوی سەفین هەینییەوە بوو.
|
|
Kurdanî fînland le rojî berengar bûnewey sermaye û kumpanyakan
Rojî şemme 2011.10.15 meydanî serekî şarî lahtî nasraw be (Tori) jmareyek çalakwan û hellsûrrawanî rêkixrawekanî komellgay medenî, bo mawey çend katjimêrêk (10:00 bo 12:30) çadrêkyan hellda le jêr nawnîşanî le torî beyekdegeyn.
Çend plartî tir ke mebestî narrazîbuwanyan zyatir rûn dekirdewe:
Eger hkumet teslîm bû bêt be kumpanya û banqekan, ême çî bkeyn û detwanînin çî bkeyn? Lewe zyatir natwanîyn çawerrwan bkeyn ta qeyranekan kotayî dêt!
Ême kalla nîyn bedest bank û syasîyekanewe..
Aya dîmukratî tenha dengdane?
Şayenî webîrhênaneweye, kobûnewey hawşêwe wa le 82 wllat û zyatir 950 şarî goy ser zewî lekatî corawcorda, le fînlandîş şarî hêlsinkî, turku, tampêrê, îwvaskola, yoênso, ollu, lahtî encam dran.
Jmareyek le kurdanî danîştûy hêlsinkî ke zyatir ser be tewjimî çep bûn beşdarîyan kirduwe. Le şarî lahtîda yekêk le helsûrrêner û berrêweberanî çalakîyeke kurdêkî herêmî kurdistan be nawî sefîn heynîyewe bû.
|
|
شەممە ٢٠١١.١٠.١٥
پەناهەندە و وەرگێڕ
لەکاتی دایلۆگکردن لەگەڵ پەناهەندەیەکی تازەدا بەیاوەری وەرگێڕی زمانی کوردی:
فەرمانبەر: تکایە پێی بڵێ ناوی چییە؟
وەرگێر: کاکە ناووت چییە؟
پەنابەر: کێ من؟
وەرگێڕ: بەڵێ تۆ کاکە.
پەنابەر: ناوم یاسر پرۆت قارداش بولبلی.
فەرمانبەر: تەمەنت چەندە؟
وەرگێر: دەڵێت تەمەنت چەندە؟
پەنابەر: کێ من ؟
ئیتر بەو شێوەیە کێ من دووبارە دەبێتەوە، کاتێک دەزانیین سێ کاتژمێر گوزەراوە!
وەرگێر بەتووڕەییەوە: ئەرێ کاکە لەم ژوورەدا لە من و تۆ و ئەم کارمەندە فینلاندییە زیاتر کەسی تری لێیە؟ بۆ وا ئەکەیت؟
یەکسەر وتی: کێ من؟ چیم کردووە؟
بەکەمێک دەستکارییەوە وەرگیراوە
|
|
Lekatî daylogkirdin legel penahendeyekî tazeda beyawerî wergêrî zimanî Kurdî:
Fermanber: Tkaye pêyî bilê nawî çiye?
Wergêr: Kake nawut çiye?
Penaber: Kê min?
Wergêr: Belê to kake.
Penaber: Nawm Yasr Pirot Qardaş Bulbilî.
Fermanber: Tement çende?
Wergêr: Delêt tement çende?
Penaber: Kê min ?
Îtir bew şêweye kê min dûbare debêtewe, katêk dezanîn sê katjmêr guzerawe!
Wergêr be tûreiyewe: Erê kake lem jûreda le min u to u em karmende Fînlandiye ziyatir kesî tirî lêyîe? bo wa ekeyt?
Yekser wtî: Kê min? çîm kirduwe?
|
|
هەینی ٢٠١١.١٠.١٤
بێدەنگی ئەورووپا!
ئاسۆ زەند، وتارێکی لەسەر تۆپبارانی سنوورەکانی هەرێمی کوردستانە لەلایەن هەردوو حکومەتی دراوسێ (ئێران و تورکیا)ەوە نووسیووە، باس لە بێ هەڵوێستی و بێدەنگی وڵاتانی ئەورووپی دەکات لەبەرانبەر ئەو کوشتووبڕە خەڵکی سڤیل و وێرانکارییەی کە لەوێ ڕوو دەدات.. ئەوەی ئەو دوو دەوڵەتە دەیکەین بێڕێزییە بۆ یاسا نیودەوڵەتییەکان..
سەرچاوەی هەواڵ: کلیک ئێرە بکە
|
|
Asso Zand, wtarêkî leser topbaranî snûrekanî HerêmîKurdistane lelayen herdû hikumetî drawsê (Êran u Turkiya)ewe nûsîuwe, bas le bê helwêstî u bêdengî wilatanî Ewrûpî dekat leberanber ew kuştûbire xelkî svîl u wêrankariyey ke lewê rû dedat.. Ewey ew dû dewlete deykeyn bêrêziye bo yasa nîudewletiyekan.
|
|
پێنجشەممە ٢٠١١.١٠.١٣
وتارێکی کریستینا لە سەر جینۆساید
خاتوو کریستینا کۆیڤونێن ١٩٥٩(Kristiina Koivunen)لە وتارێکی کە بە کوردی و ئنگلیزییە لەکۆتایی مانگی نۆ بڵاوبۆتەوە، پیدەچێت تازە پێی زانیبێت بۆیە لینکی تێکستە ئنگلیزییەکەی لە فەیسبووکدا دابەزاندووە. ئێمەیش گەڕاین و تا تێکستە کوردییەکەیمان دۆزییەوە. ئەو خانمە لەو وتارەیدا ڕێنمایی و پێشنیاری بۆ مەسەلەی جینوساید و ئەنفال دەخاتە ڕوو و بەردەست کاربەدەستان هاوکات رەخنە لەو لێکۆڵەرەوە خۆماڵیانەیش دەگرێت کە تا ئێستا لەسەر ئەو کێسە کاریان کردووە، بەراوردی دەکات بە جەنگی نێوان خۆیان و ڕووسەکان. لێرەدا هەردوو تێکستەکە دادەبەزێنین:
لینکی سەرچاوە ئنگلیزییەکە، ماڵپەڕی پی یو کەی میدیا
لینکی سەرچاوە کوردییەکە، ماڵپەڕی پی یو کەی میدیا
|
|
Xatû (Kristiina Koivunen 1959)le wtarêkî ke be kurdî u Englîziye le kotayî mangî 9 bilawbotewe, pîdeçêt taze pêyî zanîbêt boye lînkî têkste Englîziyekey le Facebookda dabezanduwe. Êmeyş gerayn u ta têkste Kurdiyekeyman doziyewe. Ew xanime lew wtareyda rênimayî u pêşniyarî bo meseley cînusayd u Anfal dexate rû u berdest karbedestan hawkat rexne lew lêkolerewe xomaliyaneyş degirêt ke ta êsta leser ew kêse kariyan kirduwe, berawrdî dekat be cengî nêwan xoyan u Rûsekan.
|
|
پێنجشەممە ٢٠١١.١٠.١٣
دایلۆگ لەسەر ئیمامی مزگەوت
لە دوای ١١ی سێبتەمبەرەوە ترسی ئیسلام و گرووپەکانی ئیسلامی سیاسی توندڕەو، لە سەرجەم وڵاتانی ئەورووپا بەفینلاندیشەوە پەیدابووە، بۆ بەرەنگاربوونەوەی ئەلتەرناتیڤی جۆراوجۆر لێرەولەوێ سەریان هەڵداوە، یەکێک لەوانە دروستکردنی شاخەی ئیسلامی ئەورووپییە، بۆ ئەوە پێیان وایە دەبێت مەلا و خەتیبەکانی مزگەوتە فەرمی و نافەرمییەکان پەروەردە بکرێن. لەو پێناوەدا حکومەت دەبێت خوێندنگایان بۆ بکاتەوە. لەم ڕاۆپرتەدا باس لە کۆبوونەوەیەک دەکات کە لە شاری تورکو ئەنجامدراوە. بۆ کێشەی کردنەوە و نەکردنەوەی کردنەوەی خوێندنگای ئیمامەکان، ئایا یارمەتیدەرە بۆ ئاوێزابوونی بێگانە بەئایین ئیسلامەکان لەگەڵ کۆمەڵگای فینلاندیدا.
جەمال شەریف، کەسێکی بە دیدگا چەپ، لە میژوە لەم وڵاتە نیشتەجێییە، بەهۆی کاری جۆراوجۆرەوە تێکەڵ بە فینلاندیان بووە، ئەو بە پێچەوانەی قسەکەرانی ئەو ڕاپۆرتەوە لە کۆمێنتێکدا، پێی وایە: … دانانی خوێندنگا بۆ مەلای مزگەوت نابێتە هۆی جێکەوتەبوونی پەنابەر، بەپێچەوانەوە زیاتر دەبێتە قوڵکردنەوەی جیاوازی نێوان پەنابەرەکان و فینلاندییەکان. ئەم پێشنیارە کە خراوەتە بەردەم دامودەزگای دەوڵتی فینلاند، نە پەنابەر لێی سودمەند دەبێت و نە خەڵکی فینلاندی. خوێندنێک بۆ ئێمە بەکەڵکە کە بتوانین بەهۆیەوە بەشداری بکەین لە گەشەپێدانی فینلاند دا لەگەڵ ئەو فینلاندییانەی کە لە هەوڵی بەرەوپێشبردنی کۆمەڵگادان، خوێندنێک بۆ ئێمە و بۆ فینلاندییەکان سودبەخشە کە فێرمان بکات هەموومان وەک یەکین نەک جیاوازین. بۆیە دەڵێم: نا بۆ جیاوازی مرۆڤەکان لەسەر بنچینەی ئایین، بەڵێ بۆ کۆمەڵگایەکی مۆدێرن.
سەرچاوەی هەواڵ: ماڵپەڕێ ئولێ
|
|
Le dway 11î sêbtemberewe tirsî îslam u girûpekanî Îslamî siyasî tundrew, le sercem wilatanî Ewrûpa be Fînlandîşewe peydabuwe, bo berengarbûnewey elternatîvî corawcor lêrewlewê seriyan heldawe, yekêk lewane drustkirdinî şaxey Îslamî Ewrûpiye, bo ewe pêyîan waye debêt mela u xetîbekanî mzgewte fermî u nafermiyekan perwerde bikirên. Lew pênaweda hikumet debêt xwêndingayan bo bikatewe. Lem raopirteda bas le kobûneweyek dekat ke le şarî Turku encamdrawe. bo kêşey kirdinewe u nekirdinewey kirdinewey xwêndingay îmamekan, aya yarmetîdere bo awêzabûnî bêgane beayîn Îslamekan legel komelgay Fînlandîda.
Cemal şerîf, kesêkî be dîdga çep, le mîjwe lem wilate nîştecêiye, behoy karî corawcorewe têkel be Fînlandiyan buwe, ew be pêçewaney qsekeranî ew raportewe le komêntêkda, pêyî waye: … Dananî xwêndinga bo melay mzgewt nabête hoy cêkewtebûnî penaber, bepêçewanewe ziyatir debête qulkirdinewey ciyawazî nêwan penaberekan u Fînlandiyekan. Em pêşniyare ke xirawete berdem damudezgay dewltî Fînland, ne penaber lêyî sudmend debêt u ne xelkî Fînlandî. Xwêndinêk bo ême bekelke ke btwanîn behoyewe beşdarî bikeyn le geşepêdanî Fînland da legel ew Fînlandîaney ke le hewlî berewpêşbirdinî komelgadan, xwêndinêk bo ême u bo Fînlandiyekan sudibexşe ke fêrman bikat hemûman wek yekîn nek ciyawazîn. Boye delêm: Na bo ciyawazî mirovekan leser binçîney ayîn, belê bo komelgayekî modêrn.
|
|
چوارشەممە ٢٠١١.١٠.١٢
ئامادەکاری بۆ خۆپیشاندان
بەپێی هەواڵی ژمارەیەک لە چالاکوانی چەپی کوردی هەرێمی کوردستان، و بەهاوکاری ڕێکخراوە جەماوەرییەکانی پارتە چەپەییەکان و پێشبینی دەکرێت پارتی ئۆپۆزسیۆنی پەرلەمانی وەک فینلاندییە ڕەسەنەکانیش بەشدار بن، لەوەی لە یەکدوو دروشمدا یەکدەگرنەوە و هاوبەشن. ڕاگەیاندنیکیان بڵاوکردۆتەوە بۆ کۆبوونەوە.
١٥ ی ١٠ له (Tori) گۆرەپانی سەرەکی هێلسنکی بەیەکدەگەین!
نائومێدین لهوهی دهنگمان نابیسترێت و ڕێگهمان پێنادرێت کاریگهیمان لهسهر مهسهلهکان هەبێت، بەڵام ههست دهکهین تهنها نیین. بههاری پار له ئهسپانیا خهڵک داوای دیموکراتی زیاتریان کرد.. دەبێت مرۆڤه ئاساییهکانیش وەک سیاسی و کۆمپانیاکان گوێیان لێبگیرێت لەبارەی مەسەلەی هەڵوەشاندنەوەی یەکێتی ئەورووپا تهنگژهی ئابووری ئهوروپا و گرانی و بێکاری و زۆری تر… کات: ١٢:٠٠ شوێن: گۆرەپانی Kampin Narinkka.
سەرچاوەی هەواڵ کلیکی ئێرە بکە
|
|
Bepêyî hewalî jimareyek le çalakwanî çepî Kurdî HerêmîKurdistan, u behawkarî rêkxirawe cemaweriyekanî parte çepeiyekan u pêşbînî dekirêt partî opozsîonî perlemanî wek FînlandiyeResenekanîş beşdar bin lewey le yekdû druşmda yekdegirnewe u hawbeşn. rageyandinîkiyan bilawkirdotewe bo kobûnewe.15 î 10 le (Tori) gorepanî serekî Hêlsnkî beyekdegeyn!
Naiumêdîn lewey dengman nabîstirêt u rêgeman pênadrêt karîgeyman leser meselekan hebêt, belam hest dekeyn tenha nîn. Beharî par le Espaniya xelk daway dîmukiratî ziyatiriyan kird.. Debêt mirove asayiyekanîş wek siyasî u kompaniyakan gweyan lêbigîrêt lebarey meseley helweşandinewey yekêtî Ewrûpa tengjey abûrî Ewrupa u giranî u bêkarî u zorî tir… kat: 12:00 şwên: Gorepanî Kampin Narinkka.
|
|
چوارشەممە ٢٠١١.١٠.١٢
تەکنەلۆجیا جێ بەمرۆڤ لێژ دەکات یان ژیانی خۆش دەکات؟
تا بێت کارئاسانی لە هەموو بوارەکاندا فەراهەم دەبێت. سندوقی پۆستی زیرەک وەک چۆن ئافۆن بەتەلەفوونی زیرەک ناودەبرێت. بڕیارە مانگی داهاتوو، لە شاری لاهتی دوو ئامێری ئۆتۆماتیکی ژیر دابنرێت و دەکەوێتە کار. کڕیار گەر کالایەک لە ئەنتەرنێتەوە داوا بکرێت، خۆی دەستنیشانی دەکات گریمان بچێت بۆ ئەو شوێنەی کە ئامێرەکەی لێدانراوە، بە گەیشتنی ئۆتۆماتیک ئامێرەکە پەیامێکی تەلەفوونی دەنێرێت. هاوکات بە پێچەوانەشەوە گەر کاڵا هەبوو دەتوانرێت لەو ئامێرەوە بنێردرێت و پارەکەی چەند بێت بەکارتی بانک دەدرێت. هەرکات کەوتە کار ئەوا سەردانی نزیکترینیان کە کۆ مارکێتی پریسمای لاونێ دەکەین و زانیاری زیاتر بڵاودەکەینەوە.
سەرچاوەی هەواڵ: ماڵپەڕی ڕۆژنامەی ئێتێلا سوۆمێن سانۆمات
|
| Teknelociya cê bemirov lêj dekat yan jiyanî xoş dekat?
ta bêt karasanî le hemû biwarekanda ferahem debêt. Snduqî postî zîrek wek çon Ifon betelefûnî zîrek nawdebirêt. Biriyare mangî dahatû, le şarî Lahtî dû amêrî otomatîkî jîr dabinrêt u dekewête kar. kiriyar ger kalayek le enternêtewe dawa bikirêt, xoy destinîşanî dekat girîman bçêt bo ew şuwêney ke amêrekey lêdanrawe, be geyştinî otomatîk amêreke peyamêkî telefûnî denêrêt. Hawkat be pêçewaneşewe ger kala hebû detwanrêt lew amêrewe binêrdrêt u parekey çend bêt bekartî bank dedrêt. Herkat kewte kar ewa serdanî nzîktirîniyan ke ko markêtî Prisma Laune dekeyn u zaniyarî ziyatir bilawdekeynewe.
|
|
سێشەممە ٢٠١١.١٠.١٠
کردنەوەی پارکی تۆڕی
هەفتەی داهاتوو دووشەممە ٢٠١١.١٠.١٧ بەشێک لە گۆرەپانی ناوەندی شار (تۆڕی- Tori)، بەڕەواڵی ساڵانی ڕابردوو ئازاد دەکرێت, دەبێتە پارک بۆ ڕاوەستانی ئۆتۆمبێل. هەر کەس بۆی هەیە ماوەی نیو کاتژمێر بە بەلاش ماشێنەکەی ڕاگرێت.
سەرچاوەی هەواڵ: ماڵپەڕی ڕۆژنامەی ئێتێلا سوۆمێن سانۆمات
|
|
Heftey dahatû dûşemme 17.10.2011 beşêk le gorepanî nawendî şar (Tori), berewalî salanî rabirdû azad dekirêt, debête park bo rawestanî otombêl. Her kes boy heye mawey nîu katjmêr be belaş maşênekey ragirêt.
|
|
سێشەممە ٢٠١١.١٠.١٠
ئاگاداری بۆ خاوەن ئۆتۆمبێلەکان
جابییەکانی چاودێری هاتووچۆ یان دەرنەفیزی پشکنین، ئەوانەی لە پارکی ڕاوەستانی ئۆتۆمبێل دەگەڕێن بزانن کێ کاتی نەگۆڕیوە و بیریچووە، یان خراپ دایناوە، و .. لەمەودوا بۆ کەمکردنەوەی ڕاوەستانە نایاساییەکان بەتایبەتی لەسەنتەری شار، کاتی کارکردنیان دێژدەبێتەوە بۆ پێنج تا هەشتی شەو. تەنانەت ئەم درێژکردنەوەیە ڕۆژانی پشووی هەفتە شەممە و یەکشەمەیش دەگرێتەوە. بڕی ئەو جۆرە لە یاسالادانانە ٥٠ ئێرۆیە، لەماوی یەکدوو هەفتە دەبێت بدرێت.
سەرچاوەی هەواڵ: ماڵپەڕی ڕۆژنامەی ئێتێلا سوۆمێن سانۆمات
|
|
Agadarî bo xawen otombêlekan
Cabiyekanî çawdêrî hatûço yan dernefîzî pişknîn, ewaney le parkî rawestanî otombêl degerên bzanin kê katî negorîwe u bîrîçuwe, yan xirap daynawe, u .. lemewdwa bo kemkirdinewey rawestane nayasayiyekan betaybetî le senterî şar, katî karkirdiniyan dêjdebêtewe bo pênc ta heştî şew. Tenanet em drêjkirdineweye rojanî pişuwî hefte şemme u yekişemeyş degirêtewe. Birî ew core le yasaladanane 50 êroye, lemawî yekdû hefte debêt bidrêt.
|
|
سێشەممە ٢٠١١.١٠.١٠
بەهرەمەندی مناڵێک
هێڤار(٢٠٠٣) خوێندکاری پۆلی دووهەمی سەرەتایی کوڕە بچووکی بەڕێزان خالید و بێریوان، یەکێک لەدانیشتوانە قەدیمییەکانی دانیشتووی شاری لاهتی(Lahti)، لە ڕۆژی هونەری شاری کۆڤۆڵا (Kouvola) بەم دانسەی کە لەم گرتە ڤیدیۆییەدا دیارە بەشدار بووە… بەهیوای دواڕۆژێکی گەش بۆ ئەو منداڵە..
بینینی گرتە ڤیدیۆییەکە لە ماڵپەڕی یوتوبدا
|
|
Hêvar(2003) xwêndkarî polî duweemî seretayî kure bçûkî berêzan Xalîd u Bêrîwan, yekêk le danîştwane qedîmiyekanî danîştuwî şarî Lahtî, le rojî hunerî şarî (Kouvola) bem dansey ke lem girte vîdîoiyeda diyare beşdar buwe… behîway dwarojêkî geş bo ew mindale.
|
|
دووشەممە ٢٠١١.١٠.٩
دواکەوتنی زۆری کێسەکان
شاری (Imatra) ئیماترای ١٩٤٨نزیک سنووری ڕووسیا, ١٨٠ کم دوور لە لاهتییەوە، یەکێک لەکەمپەکانی داڵدەدانی پەناهەندەی لێیە. لەوێ کابرایەکی عەرەبی فەلەستینی بەناوی ئیبراهیم دیک ماوەی ٨ مانگە چاوەروانی وەڵامە و بۆی نەهاتوەتەوە لەبەر ئەوە بێزار بووە و بریاری مانگرتنی داوە.
ئەوە بۆ ماوەی ٥ رۆژە لە خواردن مانیگرتوە. بۆ پشکنین دوو جار دکتۆریان هێناوەتە سەری. ویستوویانە بیبەن بۆ نەخۆشخانە بەڵام ڕازی نەبووە، پێی وتوون: نا لێم گەرێن با بمرم چوونکە مردن باشترە لەچاوەڕوانی. لەم جۆرە ناڕەزایەتیانە کە کاردانەوە لەبەرانبەر خاوی بەڕێکردنی کێسەکان، ساڵانە لەم کەمپ و لەوی دی پەناهەندەکاندا بەشێوەی جۆراوجۆر دووبارە دەبنەوە و پەنای بۆ دەبەن.
هەواڵەکە بەکەمێک دەستکارییەوە ئامادەکراوە، بەسوپاسی زۆرەوە بەڕێز جەمال سەیدسادقی ناردوویەتی.
|
|
Dwakewtinî zorî kêsekan
şarî (Imatira) 1948 nzîk snûrî rûsiya, 180 km dûr le Lahtiyewe, yekêk le kempekanî daldedanî penahendey lêyîe.Llewê kabirayekî Arebî Felestînî benawî Îbirahîm Dîk mawey 8 mange çawerwanî welame u boy nehatwetewe leber ewe bêzar buwe u biriyarî mangirtinî dawe.
Ewe bo mawey 5 roje le xwardin manîgirtwe. bo pişknîn dû car dktoriyan hênawete serî. wîstwiyane bîben bo nexoşxane belam razî nebuwe, pêyî wtûn: Na lêm gerên ba bmrm çûnke mrdin baştire le çawerwanî. Lem core narezayetiyane ke kardanewe leberanber xawî berêkirdinî kêsekan, salane lem kemp u lewî dî penahendekanda beşêwey corawcor dûbare debinewe u penay bo deben.
Hewaleke bekemêk destkariyewe amadekirawe, be supasî zorewe berêz Cemal Seydisadqî narduwiyetî
|
|
دووشەممە ٢٠١١.١٠.٩
زانیاری لە بارەی شاری لاهتییەوە
سێ وێنەی شەوی ڕابردووی دوو برجی ڕادیۆیی کە لەسەر گردێکی بەرز دانراوە و دەڕوانێت بەچواردەوری شاری لاهتی، ئێستا بە گردی ڕادیۆ (radiomäki) ناسراوە. شەوانە بە برکجکتۆری ڕەنگاو ڕەنگ دەڕازێنرێتەوە، دەکوژێنە و دادەگیرسێن و دەگۆڕێن سەرنجی ڕێبواران بۆ لای خۆیان ڕادەکێشێن. ئەو بورجانە ١٥٠ مەتر بەرزن، هی ڕادیۆی حکومی ئولێ (Yleisradion radioasemasta)یە.
|
|
Zaniyarî le barey şarî Lahtiyewe
Sê wêney şewî rabirduwî dû bircî radîoyî ke leser girdêkî berz danrawe u derwanêt beçwardewrî şarî Lahtî, êsta be girdî radîo (RadoMäki) nasrawe. şewane be birkcktorî rengaw reng derazênrêtewe, dekujêne u dadegîrsên u degorên serncî rêbiwaran bo lay xoyan radekêşên. Ew burcane 150 metir berzn, hî radîoy hkumî (Yleisradon radoasemastaiye.
|
شەممە ٢٠١١.١٠.٨
بەبۆنەی دابەشکردنی خەڵاتی نۆبڵی ئاشتییەوە
مارتی ئاهتیساری ١٩٣٧ (Martti Ahtisaari) دەیەهەمین سەرۆکۆماری فینلاند، وەرگری خەڵاتی نۆبڵ بۆ ئاشتی ساڵی ٢٠٠٨ لەو کاتەی کە خەڵاتەکەی ورگرتووە عەزیز شێخانی کوری دانیشتووی شاری تامێرێ، ئەندامی پارتی سەوز، یەکێک لەبەربژارەکانی هەڵبژاردنە پەڕلەمانییەکەی ساڵی ٢٠١١ ی فینلاند. نامەیەکی پیرۆزبایی بۆ ناردووە و تەشویقی کردووە، کە لا لە مەسەلەی کوردیش بکاتەوە و بیخاتە بەرنامەی کارییەوە. ئەو پەیمانی داوە بەڵام دواتر لە داخوانی ڕۆژنامەکاندا وتوویەتی: هاوسهرم له سهر شێوازی خهرجكردنی پارهی خهڵاتهكه بڕیار دهدا!! عەزیز شێخانی پێی وایە زۆر لە خەڵاتکراوانەی ئاشتی مرۆڤی ئازا و شایستەی بوارەکە نیین، خۆیان لە زۆر مەسەلەی هەستیار دەبوێرن. بۆ دروستکردنی ئەم هەواڵە سوود لە لاپەرەی فەیسبووکی ناوبراو (عەزیز شێخانی) وەرگیراوە.
|
|
(Martti Ahtisaari) deyehemîn serokomarî Fînland, wergirî xelatî Nobil bo aştî salî 2008 lew katey ke xelatekey wrgirtuwe Aziz Sheikhaniî kurdî danîştwî şarî Tamêrê, endamî partî Sewz, yekêk leberbjarekanî helbijardine perlemaniyekey salî 2011 î Fînland. nameyekî pîrozbayî bo narduwe u teşuîqî kirduwe, ke la le meseley Kurdîş bikatewe u bîxate bernamey kariyewe. Ew peymanî dawe belam dwatir le daxwanî rojnamekanda wtwiyetî: Hawserm le ser şêwazî xerckirdinî parey xelateke biriyar deda!! Aziz Sheikhani pêyî waye zor le xelatkirawaney aştî mirovî aza u şaystey biwareke nîn, xoyan le zor meseley hestiyar debwêrn. Bo drustkirdinî em hewale sûd le laperey Facebookî nawbiraw wergîrawe.
|
|
شەممە ٢٠١١.١٠.٨
نموونەی گۆران و ئاوزای خۆشی فینلاندی
خانمە گۆرانبێژی فینلاندی چیسو (Chisu) لە زمانی فینلاندیدا پیتی چ کەمە و یان هەر نییە بۆیە خۆیان دەڵێن کیسو (Kisu)، ناوی ئەسڵی (Christel Martina Sundberg)ە لەدایکبووی ١٩٨٢ هێلسنکییە. ئەو وێڕای گۆرانیووتن ئاوازدانەر و شاعیریشە. ئەو ئەلبوومێکی نوێی بەناوی کاتێک ڕۆشندەبمەوە (Kun valaistun) دەرکردووە و کەوتۆتە بازاڕەوە، بەیەکێک لە سەرکەتووترین ئەلبوومەکانی وەرزی پایز ٢٠١١ دادەنرێت. کۆپلەیەکی لە شیعری گۆرانییەکە کە هاوڕێی بەڕێز ڕێبوار کەریمی وەریگێڕاوە، ئەم هەواڵە فەزڵەکە بۆ ئەو دەگەڕێتەوە:
تۆزێکی تر دەکەومە لستنەوەی برینەکان
برینە قووڵ و سوێرەکان
کاتێ کە هیچ ئیتر تامی هیچ نادا
ئازارەکان جێی هاوڕێکان دەگرنەوە.
تکایە بفەرموو بۆ گوێگرتن لە گۆرانییەکە، لە ماڵپەڕی یوتوب دا
|
|
Xanime goranbêjî Fînlandî (Chisu) le zimanî Fînlandîda pîtî ç keme u yan her niye boye xoyan delên (Kisu), nawî eslî (Christel Martina Sundiberg)e ledaykbuwî 1982 Hêlsnkiye. ew wêray goranîûtin awazdaner u şa’îrîşe. Ew elbûmêkî nwey benawî katêk roşndebmewe (Kun valaistun) derkirduwe u kewtote bazarewe, beyekêk le serketûtirîn elbûmekanî werzî payz 2011 dadenrêt. Kopleyekî le şî’rî goraniyeke ke hawrêyî berêz Rebwar Karimi werîgêrawe, em hewale fezleke bo ew degerêtewe:
Tozêkî tir dekewme lstinewey birînekan
Birîne qûl u suwêrekan
Katê ke hîç îtir tamî hîç nada
Azarekan cêyî hawrêkan degirnewe.
|
|
هەینی ٢٠١١.١٠.٧
نموونەی ژنی سەرکەوتووی کورد
سورەیا خانم (Rashid Seyedi Soraya)ی ٤٢ ساڵی دانیشتووی شاری یوڤاسکۆلا (٢٧٠کم لە هێلسنکی و ١٧٠کم لە لاهتییەوە دوور) دادەنیشێت، ئەو لەگەڵ خێزانەکەیدا بەر لە سێ ساڵ و نیو هاتوونەتە فینلاند. لەوێ ١٣ ساڵ کاری ساڵۆنی سەرتاشینی کردووە. بەڵام لێرە کارەکەی گۆڕییوە و چۆتە بواری خواردنگە و چێشتکەری. ساڵی ٢٠١١ وەک فێرخوازێکی چستوچالاک لە خوێندنگاکەیدا هەڵبژێرراوە. ئەو پێی وایە فەرهەنگی زمان باشترین هاوڕێی بووە، بەتەمایە دوای تەواوکردنی خوێندن (بەهاری داهاتوو) کار بدۆزێتەوە و خواردنگەی خۆی بکاتەوە.
سەرچاوەی هەواڵ ماڵپەڕی ئولێ
|
|
Nimûney jnî serkewtuwî Kurd
Rashid Seyedi Soraya î 42 salî danîştuwî şarî Jyväskylä 270km le Hêlsnkî u 170km le Lahtiyewe dûr، dadenîşêt, ew legel xêzanekeyda ber le sê sal u nîu hatûnete Fînland. Lewê 13 sal karî salonî sertaşînî kirduwe. belam lêre karekey gorîwe u çote biwarî xwardinge u çêştkerî. salî 2011 wek fêrxwazêkî çstuçalak le xwêndingakeyda helbjêrrawe. ew pêyî waye ferhengî ziman baştirîn hawrêyî buwe, betemaye dway tewawkirdinî xwêndin (beharî dahatû) kar bidozêtewe u xwardingey xoy bikatewe.
|
|
هەینی ٢٠١١.١٠.٧
هێڵی بەیانی پارتە فینلاندییەکان
لە نوێترین ڕاپرسیدا کە لەناوەڕاستی مانگی ٩ بۆ سەرەتای مانگی ١٠ کراوە، لەسەر پارتە سیاسییەکانی فینلاند، دیدی ٣ هەزار و ٣٥٩ کەس وەرگیراوە، پارتی سۆسیالدیموکرات دابەزیوە، ئێستا ١٧،٥ مانای وایە ١،١ کەمی کردووە، بەم شێوەیە دەبێتە حیزبی سێیەم. کۆکێمووس کە سەرۆکی حکومەت لەوانە ڕێژەکەی ٢٤،١ مانای وایە ٠،١ ئاستی بەرزبۆتەوە. پێروسسوۆمالاینێن(فینلاندییە ڕەسەنەکان) لەو دوو پارتەی دی جەماوەری زیاتر بووە، ڕێژەی ٢١،٧ ی بەدەست هێناوە، مانای وایە ٠،٥ ئاستی باڵای کردووە بەم پێیە بێت بۆتە پارتی دووهەم. پارتی کێسکوستا(سەنتەر)یش خۆی داوە لە ١٢،٧ ە، مانای وایە ٠،١ جەماوەری بەرزبۆتەوە.
سەرچاوەی هەواڵ ماڵپەڕی ئولێ
|
|
Le nuwêtirîn rapirsîda ke lenawerastî mangî 9 bo seretay mangî 10 kirawe, leser parte siyasiyekanî Fînland, dîdî 3 hezar u 359 kes wergîrawe, partî SosiyalDîmukirat dabezîwe, êsta 17,5 manay waye 1,1 kemî kirduwe, bem şêweye debête hîzbî sêyîem. Kokêmûs ke serokî hikumet lewane rêjekey 24,1 manay waye 0,1 astî berzbotewe. PêrusSuomalaynên(FînlandiyeResenekan) lew dû partey dî cemawerî ziyatir buwe, rêjey 21,7 î bedest hênawe, manay waye 0,5 astî balay kirduwe bem pêyîe bêt bote partî duweem. partî Kêskusta(Senter)îş xoy dawe le 12,7 e, manay waye 0,1 cemawerî berzbotewe.
|
|
چوارشەممە ٢٠١١.١٠.٥
بێگانەکان بێبەرین
وەک دەبینرێت پیاوخراپ و مرۆڤکوژەکان لە ناو بێگانە و پەناهەندەکان نییە و کەمە… کاری نایاسایی و خراپەکاری و مرۆڤکوشتن لە دەوڵەتانی یەکێتی ئەورووپا جیاوازی هەیە. لەم بوارەدا فینلاند لەدوای سوید و هۆڵندەوە دێت. توندوتیژییەکان زیاتر لەو دوو وڵاتە کەسانێک ئەنجامی دەدەن کە بەئەسڵ هاوڵاتی رەسەن نیین. فینلاند ڕیژەی لە سەدا شەشی بەردەکەوێت، سەرجەم کەسە تاوانبارەکان خۆماڵین، زۆربەی تاوانەکان بەهۆی خواردنەوە ئەلکحولییەکانەوەیە، قوربانیەکان کەسە نزیکەکانن، ئامرازی تاوانیش زیاتر چەقۆی مەتبەغن.
سەرچاوەی هەواڵ ماڵپەڕی ڕۆژنامەی هێلسنکی سانۆمات
|
|
Wek debînrêt piyauxirap u mirovkujekan le naw bêgane u penahendekan niye u keme…
Karî nayasayî u xirapekarî u mirovkuştin le dewletanî yekêtî Ewrûpa ciyawazî heye. lem biwareda Fînland leduay Suîd u Holndewe dêt. Tundutîjiyekan ziyatir lew dû wilate kesanêk encamî deden ke beesl hawlatî resen nîn. Fînland rîjey le seda şeşî berdekewêt, sercem kese tawanbarekan xomalîn, zorbey tawanekan behoy xwardinewe elkhuliyekaneweye, qurbaniyekan kese nzîkekanin, amrazî tawanîş ziyatir çeqoy metbexn.
|
چوارشەممە ٢٠١١.١٠.٥
زانیاری لەسەر لاهتی و خواردنی فینلاندی
لە (تۆڕی)یەکەی سەنتەری شاری لاهتی مارکینات یان هەفتە بازار وەک تورکەکان پێی دەیڵێن هەبوو. لەم شارە هەموو چوارشەموانێک هەفتەی یەکەمی مانگ فرۆشیارێکی زۆر کۆدەبنەوە و کاڵاجۆراوجۆرەکانی خۆیان نمایش دەکەن و دەفرۆشن. ئیتر بەو هۆیەوە خەڵکێکی زۆر کۆدەبنەوە. یەکێک لە خواردنە میللییەکانی فینلاند (Muikku)مویکوە، ماسی سلیمۆنی سپی ٢٠تا ٥٠ سنتیمەتری لەنێو ساجی گەورەدا بە کەرێوە سوور دەکرێتەوە و بۆنوبەرامەیەکی خۆش بڵاودەکاتەوە، لەگەڵ پیازی سوورەوەکراو، نرخی ژەمێکی نۆرماڵ بە ٦ ئێرۆ دەفرۆشرێت. لەم لینکەی خوارەوە زانیاری زیاتر لەبارەی چۆنییەتی کرێی هەر کورسی و مێز و خێمە و.. هەیە. جابی شارەوانی دەگەڕێت و کرێ بەپێی قەبارەی شوێنی داگیراو دەستنیشان دەکات..
لینکی ماڵپەڕی شارەوانی لاهتی
|
